Prófkjör verður haldið í Suðurkjördæmi hjá Sjálfstæðisflokknum en tillaga um prófkjör var samþykkt með nánast öllum greiddum atkvæðum á kjördæmisþingi Sjálfstæðisflokksins í Suðurkjördæmi á Hellu í dag.
Á annað hundrað manns sátu fundinn, þar á meðal forysta flokksins; þau Bjarni Benediktsson formaður, Ólöf Nordal varaformaður og Áslaug Arna Sigurbjörnsdóttir ritari, ásamt fjórum þingmönnum flokksins í kjördæminu.
Ekki hefur verið ákveðið hvenær prófkjörið verður haldið en skv. heimildum mbl.is er stefnt að mánaðamótunum ágúst/september.