Lilja Alfreðsdóttir utanríkisráðherra klæddi sig upp í íslenska landsliðsbúninginn á ráðherrafundi EFTA sem haldinn var í svissnesku borginni Bern í dag.
Hún segir að allir á fundinum séu að tala um fótbolta og búið sé að setja upp breiðtjald svo enginn missi af leik Íslands og Englands í 16-liða úrslitum EM í knattspyrnu kvöld.
Ísland er eina EFTA-ríkið sem eftir er í keppninni.
Eins og greint var frá í morgun var á fundinum rætt um þá stöðu sem upp er komin í kjölfar þjóðaratkvæðagreiðslu í Bretlandi, þar sem meirihluti kjósenda var fylgjandi úrsögn úr Evrópusambandinu.
Munu EFTA-ríkin eiga með sér náið samráð til að viðhalda nánum efnahags- og viðskiptatengslum við Bretland.
Frétt mbl.is: Náið samráð um tengsl Breta
Couldn't help but put on my #Iceland shirt despite being formal @EFTAsecretariat mtg. Go #ISL #EURO2016 #ENGICE pic.twitter.com/CKZ29p7kZ5
— Lilja Alfredsdottir (@liljaalfreds) June 27, 2016