Stjórnarskrárbreytingar í salt?

Litlar sem engar líkur eru taldir á því að frumvarp Sigurðar Inga Jóhannssonar forsætisráðherra um breytingar á stjórnarskránni verði afgreitt á yfirstandandi þingi.

Ef það verður niðurstaðan verða engar breytingar gerðar á stjórnarskránni að þessu sinni en breytingar á henni þurfa að hljóta samþykki á tveimur löggjafarþingum til að öðlast gildi.

Samkvæmt upplýsingum sem Morgunblaðið aflaði sér í gær virðist ekki hafa verið neinn þrýstingur á að klára málið, hvorki af hálfu stjórnarmeirihlutans á þingi né minnihlutans.

Fram kemur á vef Alþingis að nefndin hafi sent út umsagnarbeiðnir til 43 stofnana og félagasamtaka. Heimtur virðast hafa verið dræmar því í gær höfðu aðeins borist sex umsagnir, þar af ein frá einstaklingi.