Afgangurinn ekki meiri en hallinn
Setja bókamerki
Bjarni Benediktsson fjármálaráðherra fór ekki rétt með þegar hann hélt því fram að útlit væri fyrir að afgangur á ríkisfjármálunum á þessu ári yrði meiri en „allur uppsafnaður halli vinstri stjórnarinnar frá 2009-2013.“
Ummælin lét Bjarni falla á Alþingi 15. ágúst.
Þetta kemur fram í svari staðreynda- og samfélagsvaktar Vísindavefsins. Höfundur svarsins er Þórólfur Matthíasson, prófessor í hagfræði við HÍ.
„Gera má ráð fyrir að fjármála- og efnahagsráðherra hafi haft tekjufærslu stöðugleikaframlaga slitastjórna föllnu bankanna í huga þegar hann setti fram fullyrðingu sína. Spurningin sem þarf að svara er því þessi: Er áætlaður afgangur ársins 2016 (326 milljarðar króna) hærri en uppsafnaður halli áranna 2009 til 2013 (389 milljarðar eða 464 milljarðar króna). Svarið við þeirri spurningu er nei,“ segir í svari Þórólfs.
Á Vísindavefnum má finna rökstuðning prófessorsins og útskýringu á hugtökum en þess ber að geta að upphæðin 389 milljarðar er sótt til Fjársýslu ríkisins og endurspeglar uppsafnaðan tekjujöfnuð, á meðan upphæðin 464 milljarðar er sótt til Hagstofunnar og endurspeglar uppsafnaðan tekjuhalla.
/frimg/1/43/55/1435516.jpg)
„Margir sem keyra bara eins og fífl“
Innri endurskoðun gerir úttekt á máli olíufélaganna
FFR og Sameyki undirrita langtímasamning
Hvatinn ekki sá sami
Hera komst ekki áfram
Isavia íhugar viðbrögð við sýknudómi Hæstaréttar
Vill hafa ungan ráðgjafa sér við hlið