Útlendingastofnun barst hótun í morgun sem tilkynnt hefur verið til lögreglunnar. Upplýsingafulltrúi stofnunarinnar vildi að öðru leyti ekki tjá sig um málið við mbl.is.
Lögreglubíll er fyrir utan húsnæði stofnunarinnar í Skógarhlíð 6. Höfuðstöðvar slökkviliðs höfuðborgarsvæðisins eru í nágrenninu. Slökkviliðinu hefur verið gert viðvart um málið og er það í viðbragðsstöðu.
Engum er nú hleypt inn í húsið en samkvæmt heimildum mbl.is snýst málið um hælisleitanda sem hefur hótað að kveikja í sér.
Fréttin verður uppfærð.