Pels og úlpu var stolið úr fatahengi Hafnarfjarðarkirkju nýverið þegar erfidrykkja fór fram í safnaðarheimili kirkjunnar.
Þó að stuldir séu ekki algengir þar nefnir Ottó R. Jónsson, staðarhaldari í Hafnarfjarðarkirkju, að veski hafi verið stolið á meðan kistulagning stóð yfir í október auk þess sem ungur maður var staðinn að verki inni á skrifstofu Ottós í nóvember þar sem hann gramsaði í peningaveski hans.
Í umfjöllun um mál þetta í Morgunblaðinu í dag býst Ottó við því að í kjölfar þessara mála verði sett upp skilti í fatahengi kirkjunnar þar sem fólk er varað við því að geyma dýrar flíkur og verðmæti í fatahenginu.