Innlent | Morgunblaðið | 4.3.2017 | 5:30 | Uppfært 6:16

Skorið niður um 10 milljarða

Með nýjum vegi um Gufudalssveit er ætlunin að færa Vestfjarðaveg nr. 60 af Ódrjúgshálsi og Hjallahálsi og niður á láglendið við Breiðafjörð. mbl.is/Helgi Bjarnason

Skera þarf niður um 10 milljarða af framkvæmdum í samgöngumálum sem áætlaðar voru í ár vegna þess að fjárlög ársins fylgdu ekki samgönguáætlun.

Auk vegar um Teigsskóg er nýrri brú á Hornafjarðarfljót frestað, Dynjandisheiði og lagfæringum á hringvegi í Berufirði, svo örfá dæmi séu tekin.

„Það eru víða vonbrigði að ekki skuli vera hægt að ganga lengra á þessu ári. Við gerum okkur vonir um að í fjármálaáætlun fyrir næstu ár verði gert ráð fyrir meiri fjármunum til samgöngumála. Þá getum við farið að teikna upp það sem hægt er að fara í og hugsanlega bjóða út seinni hluta þessa árs,“ segir Jón Gunnarsson samgönguráðherra í umfjöllun um mál þetta í Morgunblaðinu í dag.