Tvítugar skvísur keppa í rallý

Kolbrún Vignisdóttir og Hanna Rún Ragnarsdóttir eru fyrsta kvenparið sem ...
Kolbrún Vignisdóttir og Hanna Rún Ragnarsdóttir eru fyrsta kvenparið sem tekur þátt í rallakstri í sumar. mbl.is/Eggert

„Það er hraðinn,“ segir Hanna Rún Ragnarsdóttir spurð hvað heilli við rallý en hún keppir í fyrsta skipti sem ökumaður í rallýkeppni í sumar með vinkonu sína Kolbrúnu Vignisdóttur sér við hlið sem verður aðstoðarökumaður. Þær taka þátt í keppni í rallakstri og keppa í flokknum 4×4 non turbo á Subaru Impreza. Liðið nefnist Prama og er óhætt að segja að það sé skipað kraftmiklum og hressum stelpum sem eru óhræddar við að prufa eitthvað nýtt. 

Menntaður bílamálari með bíladellu 

Þær eru báðar heillaðar af mótorsporti og öllu sem því tengist. Hanna Rún er enginn nýgræðingur í sportinu þrátt fyrir vera 23 ára gömul. Hún var í fyrsta skipti aðstoðarökumaður Baldurs Arnars Hlöðverssonar í haustrallinu árið 2014 og höfnuðu þau í 2. sæti. Árið 2015 var hún Íslandsmeistari aðstoðarökumanna. Áður hafði hún verið í þjónustuliði en öll lið sem taka þátt í rallkeppni þurfa að hafa slíkt. 

Hanna Rún er bílamálari að mennt og starfar sem slíkur. Áhugi hennar á bílum kviknaði í æsku þegar hún var að vasast í kringum afa sinn sem gerði við bíla í bílskúrnum. Þegar kom að því að velja nám var það annaðhvort bifvélavirkjun eða bílamálun sem kom til greina. „Mér finnst þessi vinna æðisleg,“ segir Hanna Rún sem er greinilega á réttri hillu. Henni líkar vel að vera eina konan á vinnustaðnum og segist ekki mikið velta því fyrir sér. 

Hanna Rún Ragnarsdóttir, ökumaður í liðinu Prama.
Hanna Rún Ragnarsdóttir, ökumaður í liðinu Prama. Ljósmynd/úr einkasafni

Markaðsstjórinn sestur í sætið

Kolbrún er að stíga sín fyrstu skref sem keppandi í akursíþróttinni. Hún hefur fylgst náið með á hliðarlínunni en vinahópur þeirra hefur mikinn áhuga á bílum og akstursíþróttum. Kolbrún var til að mynda markaðsstjóri Hönnu Rúnar á fyrri mótum og fólst sú vinna meðal annars í að safna styrkjum og fleira sem tengist því en kostnaðurinn við að taka þátt í rallý-keppni er talsverður. Þær segja að vel hafi gengið að fá styrki fram að þessu.  

Hugmyndin um að þær myndu stofna lið og keppa saman kviknaði í vetur þegar þær voru að leika sér að keyra á gömlum Subaru-bíl í snjó. Eftir það var ekki aftur snúið. 

Fyrirmyndirnar mikilvægar

Þær segjast bara hafa fengið jákvæð viðbrögð við þátttökunni og ekki margir sem kippa sér upp við að liðið sé skipað tveimur stelpum. „Ég held að fólk hafi þá ímynd af rallý að í því séu bara gamlir sveittir karlar sem keyra á malarvegum,“ segir Hanna Rún spurð hvers vegna fleiri strákar eru í mótorsportinu en konur. „Fólk sér ekki alveg fyrir sér tvítugar skvísur á rallý-bíl,“ bætir Kolbrún við.

„Það eru samt fullt af stelpum sem hafa mikinn áhuga á að prófa að vera ökumenn. Það þýðir ekki að vera smeykur við að prófa heldur bara kýla á þetta,“ segir Hanna Rún og hlær. Hún tekur fram að það séu samt nokkrar konur í sportinu sem eru mikilvægar fyrirmyndir fyrir stelpur sem vilja prófa. Í því samhengi nefnir hún Ástu Sigurðardóttur aðstoðarökumann sem er margfaldur Íslandsmeistari í rallakstri með bróður sínum Daníel. Þess má geta að á þessu ári hefur Akursíþróttasamband Íslands hvatt konur til að taka þátt en kvenmenn hafa verið í miklum minnihluta í íþróttinni. 

Kolbrún Vignisdóttir aðstoðarökumaður.
Kolbrún Vignisdóttir aðstoðarökumaður. Ljósmynd/úr einkasafni

Mótorsportið er eins og stór fjölskylda 

Þær segja báðar að andinn í mótorsportinu sé mjög góður og allir boðnir og búnir að hjálpast að. Það sé ekki síður heillandi við þetta sport. „Þetta er eins og stór fjölskylda og allir tilbúnir að hjálpa ef eitthvað er,“ segir Kolbrún. 

Til að ná árangri í rallý þarf að vera góð samvinna á milli parsins. Ökumaðurinn þarf að halda góðri einbeitingu og aðstoðarökumaðurinn þarf að vera nákvæmur því hann gefur meðal annars upplýsingar um hvað er fram undan á brautinni eins og beygjur og hvar aðrir bílar eru. „Það er mikilvægast að halda einbeitingu. Um leið og hjálmurinn er kominn á þarf maður að hafa augun á veginum og láta ekkert trufla sig,“ segir Hanna Rún og bætir við: „og svo þarf ég að heyra vel í þér,“ segir hún og brosir til vinkonu sinnar.   

Stefna að því að klára keppnina 

Rallkeppnin samanstendur af fimm mótum yfir sumartímann og það fyrsta er í byrjun júní. „Markmiðið er að klára keppnina og hafa bílinn heilann,“ segja þær nánast í kór. „Svo er það bara að setja bensíngjöfina í botn og hafa gaman að þessu og safna í reynslubankann,“ segir Hanna Rún og hlær sínum smitandi hlátri. 

Þrátt fyrir að þetta sé fyrsta skrefið hjá þeim stöllum saman á brautinni er draumurinn að taka þátt í rallkeppni erlendis. „Mig langar það mjög mikið. Það er kostnaðarsamt og rætist vonandi einn daginn,“ segi Hanna Rún en bætir við að fyrst um sinn ætli hún að fara út til Bretlands og horfa á rallkeppni. 

Hægt er að fylgjast með liðinu Prama á Snapchat undir pramarally og á facebook PRAMA Team Rally.

Uppfært kl. 12:10:

Hanna Rún og Kolbrún eru ekki fyrsta kvenparið sem tekur þátt í rallakstri á Íslandi eins og fyrst var greint frá. Árið 1975 tók Guðrún Reynisdóttir og Ingibjörg Jónsdóttir þátt í rallý samkvæmt dagblaðinu Vísi 22. maí árið 1975. Yfirskrift fréttarinnar var „54 ára kona í rallý!“  

Stelpurnar við bílinn sem þær munu þeysast á í keppninni.
Stelpurnar við bílinn sem þær munu þeysast á í keppninni. Ljósmynd/úr einkasafni
mbl.is

Innlent »

Fastagestirnir eru óþreyjufullir

14:58 „Það er pressa; það eru náttúrulega margir búnir að nota innilaugina daglega í tugi ára,“ segir Logi Sigurfinnsson, forstöðumaður Sundhallarinnar í Reykjavík, en laugin hefur verið lokuð frá því í júní og því hafa fastagestir þurft að leita annað á meðan. Meira »

Fær 15 daga til að yfirgefa landið

14:48 Kærunefnd útlendingamála hefur staðfest ákvörðun Útlendingastofnunar um að synja Chuong Le Bui, kokkanema frá Víetnam, um dvalarleyfi hér á landi. Henni hafa verið gefnir fimmtán dagar til að yfirgefa landið. Meira »

„Norðrið dregur sífellt fleiri að“

13:42 Meðal þess sem Guðlaugur Þór Þórðarson utanríkisráðherra fór yfir í ræðu sinni á Hringborði norðurslóða, sem hófst í Edinborg í Skotlandi í dag, voru þær breytingar sem orðið hafa í norðrinu á undanliðnum áratugum og orðið til bættra lífshátta og aukinnar velmegunar. Meira »

Hlaut minniháttar meiðsl eftir bílveltu

13:00 Bílvelta varð á Hafnavegi í umdæmi lögreglunnar á Suðurnesjum í gær. Ökumaðurinn missti stjórn á bifreið sinni með þeim afleiðingum að hún fór nokkrar veltur utan vegar. Maðurinn slapp með lítil meiðsl en var fluttur með sjúkrabifreið undir læknishendur. Meira »

Þrír fluttir á Landspítalann

12:36 Þrír voru fluttir með þyrlu Landhelgisgæslunnar af vettvangi eftir umferðarslyss á Biskupstungnabraut. Einn þeirra er alvarlega slasaður. Lögreglan á Suðurlandi stýrir umferð um Biskupstungnabraut en veginum var lokað tímabundið vegna slyssins. Meira »

Þyrfti ákafa jarðskjálftahrinu til

11:58 „Það eru ekki sjáanlegar neinar breytingar í dag miðað við þær upplýsingar sem liggja fyrir. Ég hef að vísu ekki fengið neinar fréttir af Kvíá í morgun. Hvort ennþá renni vatn niður í hana. Það er eitt af því sem við getum fylgst með að staðaldri,“ segir Magnús Tumi Guðmundsson jarðeðlisfræðingur. Meira »

Öflug vöktun vegna óhreinsaðs skólps

11:46 Heilbrigðiseftirlit Reykjavíkur mun vakta strandlengjuna við og í nágrenni Faxaskjóls oftar en ella meðan á viðgerð Veitna stendur í skólpdælustöðinni Faxaskjóli dagana 20. til 27. nóvember samkvæmt áætlun. Niðurstöður mælinga eru birtar á vef Heilbrigðiseftirlitsins eftir því sem þær berast. Meira »

Tvær hrunskýrslur í janúar

11:57 Tvær skýrslur sem tengjast beint hruni íslenska fjármálakerfisins fyrir rúmlega níu árum síðan verða birtar í janúar. Er önnur skýrslan um veitingu þrautavaraláns Seðlabankans til Kaupþings rétt fyrir hrun bankans og hin skýrslan um erlenda áhrifaþætti bankahrunsins. Meira »

Leit ekki út fyrir að vera alvarlegt

11:45 Fólkið sem lenti í rútuslysinu við Lýsuhól á Snæfellsnesi í gær leit ekki út fyrir að vera alvarlega slasað á vettvangi, samkvæmt upplýsingum frá lögreglunni á Vesturlandi. Þrír voru engu að síður fluttir með þyrlu Landhelgisgæslunnar á Landspítalann í Fossvogi. Meira »

UNICEF verðlaunar skóla í tilefni dagsins

11:43 Í tilefni alþjóðlegs dags barna sem er haldinn hátíðlegur um allan heim fengu fyrstu réttindaskólar UNICEF á Íslandi viðurkenningu, en það eru Flataskóli í Garðabæ og Laugarnesskóli í Reykjavík ásamt frístundaheimilunum Laugaseli og Krakkakoti. Meira »

Alvarlegt slys á Biskupstungnabraut

11:42 Samkvæmt upplýsingum frá lögreglunni á Suðurlandi er Biskupstungnabrautin lokuð við Sogið vegna umferðarslyss. Ekki vita að hversu lengi lokunin varir. Þyrla Landhelgisgæslunnar var að koma á slysstað. Meira »

Sólarljós hefur skaðleg áhrif á snuð

11:18 Skoðun Neytendastofu á snuðum fyrir börn hefur leitt í ljós að hérlendis hafa verið til sölu vörur sem hafa ekki verið í lagi og jafnvel hættulegar börnum. Skoðuð voru yfir 900 snuð af 74 tegundum. Kom í ljós að 27% af snuðunum voru ekki allar merkingar í lagi. Meira »

„Betra að vanda sig í upphafi“

10:56 „Við erum að vanda okkur, þetta skiptir máli. Við ætlum að láta þetta standa út kjörtímabilið og þá er betra að vanda sig í upphafi,“ sagði Sigurður Ingi Jóhannsson, formaður Framsóknarflokksins, fyrir fund sinn með formönnum Vinstri grænna og Sjálfstæðisflokksins í ráðherrabústaðnum í morgun. Meira »

Baldur bilaður og ferðir falla niður

10:43 Vegna bilunar í aðalvél farþegaferjunnar Baldurs hafa allar ferðir hennar milli Stykkishólms og Brjánslækjar með viðkomu í Flatey verið felldar niður. Meira »

Flugnámsbraut í boði í fyrsta sinn

10:34 Fyrsti hópur nemenda á flugnámsbraut Icelandair hóf nám í Flugakademíu Keilis 17. nóvember en alls voru innritaðir 26 nýnemar og þar af 20 á flugnámsbrautina. Þetta er fjórði bekkurinn sem hefur samtvinnað atvinnuflugmannsnám hjá Keili á þessu ári og í frysta sinn sem skiptið sem boðið er upp á nám á flugnámsbraut hér á landi. Meira »

300 manns gáfu íslenskum börnum föt

10:48 Tæplega 300 manns komu og gáfu föt í árlega fatasöfnun ungmennaráðs Barnaheilla sem fór fram í gær, í tilefni af degi mannréttinda og afmæli Barnasáttmála Sameinuðu þjóðanna. Söfnunin gekk vonum framan og tókst að fylla 20 rúmmetra sendiferðabíl af fötum og gott betur en það. Meira »

„Ætluðum að vera komin lengra“

10:35 „Þetta er verk sem tekur nokkra daga, kannski aðeins lengri tíma en við höfðum gert ráð fyrir en það hefur ekkert komið upp á sem veldur manni áhyggjum. Þetta er bara þannig að allir vilja vanda sig,“ sagði Bjarni Benediktsson fyrir fund sinn með formönnum VG og Framsóknarflokksins í ráðherrabústaðnum í morgun. Meira »

Þurfa að finna lendingu í mörgum málum

10:18 Formenn Vinstri grænna, Sjálfstæðisflokksins og Framsóknarflokksins sitja nú á fundi í ráðherrabústaðnum þar sem þau reyna að mynda nýja ríkisstjórn. „Það liggur fyrir fyrirfram að hér eru þrír ólíkir flokkar og það eru mörg mál sem þarf að finna lendingu í,“ sagði Katrín Jakobsdóttir fyrir fundinn. Meira »

Mátturinn eða dýrðin - Greinaflokkur

Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
 
Skipulagsmál
Tilkynningar
Rangárþing ytra Auglýsing um skipulags...
Framhald uppboðs
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Samkoma
Félagsstarf
Samkoma kl. 20 í Kristniboðs- salnum. R...