Læknafélag Íslands fundaði með samninganefnd ríkisins í gær vegna nýs kjarasamnings. Annar fundur er fyrirhugaður klukkan 15 á morgun í fjármálaráðuneytinu, þar sem fundirnir hafa farið fram hingað til.

Fundurinn á morgun verður sá tólfti í röðinni. 

Þorbjörn Jónsson, formaður Læknafélags Íslands, segir að styttra sé á milli funda en áður og skiptir þar máli að stutt er í sumarfrí sem gætu tafið viðræðurnar.

Þorbjörn Jónsson, formaður Læknafélags Íslands.

„Við erum að reyna að þoka þessu eitthvað áleiðis fyrir sumarfrí. Svo verður tíminn að leiða það í ljós hvernig þessu máli reiðir af,“ segir hann.

Síðasti kjarasamn­ing­ur félagsins var und­ir­ritaður í janú­ar 2015 eft­ir verk­fallsaðgerðir lækna. Hann rann út 30. apríl. 

Á tólfta hundrað lækna er í Lækna­fé­lagi Íslands. Þar af eru 100 skurðlækn­ar, en kjara­samn­ing­ur þeirra renn­ur út í ág­úst.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt