68% þeirra sem bíða eftir skurðaðgerð á augasteini hafa beðið lengur en í þrjá mánuði, 70% þeirra sem bíða eftir liðskiptum á mjöðm hafa beðið lengur en í þrjá mánuði og 100% þeirra sem bíða eftir æðahnútaaðgerðum hafa beðið lengur en í þrjá mánuði.
Þetta kemur fram í töluyfirliti Embættis landlæknis um biðlista eftir völdum skurðaðgerðum fyrir júní 2017, að því er fram kemur í Morgunblaðinu í dag.
Viðmiðunarmörk embættisins um ásættanlegan biðtíma eftir aðgerð eru þrír mánuðir og í fyrravor var ákveðið að verja um 1,7 milljörðum króna fram til ársins 2018 til að stytta bið sjúklinga eftir aðgerðum, þar af 840 milljónum af fjárlögum þessa árs.