Breytt landslag á póstmarkaði?

Alþjónustan stendur að fullu undir sér í nokkrum Evrópulöndum, s.s. ...
Alþjónustan stendur að fullu undir sér í nokkrum Evrópulöndum, s.s. Svíþjóð, Þýskalandi og Hollandi. Sums staðar er kostnaði vegna þjónustunnar dreift á póstrekendur. mbl.is/Eggert Jóhannesson

„Við höfum talað fyrir því í tæp 15 ár, stjórnendur hér hjá Póstinum, að það þjónaði ekki hagsmunum Íslandspósts að viðhalda þessum einkarétti. Þannig að við fögnum því að það sé komið að því að afnema hann.“ Þetta segir Ingimundur Sigurpálsson, forstjóri Íslandspósts ohf., um frumvarp til nýrra póstlaga, sem lagt verður fram í haust.

Frétt mbl.is: Samkeppni á póstmarkaði

Umræddur einkaréttur nær til bréfa undir 50 grömmum, til útgáfu frímerkja og uppsetningar póstkassa. Samkvæmt frumvarpsdrögunum verður aðgengi notenda að alþjónustu tryggt áfram, annaðhvort með því að bjóða þjónustuna út eða útnefna alþjónustuveitanda.

„Það er stór hluti af alþjónustunni sem stendur ágætlega undir sér; þetta er fyrst og fremst spurning um þann hluta þjónustunnar sem stendur ekki undir sér. Og það er á svokölluðum „óvirkum markaðssvæðum“ þar sem enginn hefur áhuga á að sinna þjónustunni,“ segir Ingimundur.

Í athugasemdum með frumvarpsdrögunum segir að ómögulegt sé að segja til um kostnað af alþjónustunni í framtíðinni en ef skyldurnar innan þjónustunnar verði svipaðar og nú geri Póst- og fjarskiptastofnun ráð fyrir að hann gæti numið 200-400 milljónum króna á ári.

Íslandspóstur segir kostnaðinn hins vegar um 1 milljarð, þar sem alþjónustubyrðin í þéttbýli nemi 561 milljón króna.

Ingimundur segir útgjöldin vegna dreifingar á dreifbýlum svæðum hafa verið sótt í verðlagningu einkaréttarbréfanna, þ.e. póstsendinga undir 50 grömmum.

Hvað varðar mögulegar lagabreytingar segir Ingimundur að Pósturinn hafi lagt ...
Hvað varðar mögulegar lagabreytingar segir Ingimundur að Pósturinn hafi lagt á það áherslu að póstþjónustan yrði opnuð og dregið úr eftirlitsþættinum, sem hafi verið mjög íþyngjandi fyrir reksturinn.

„Verðlagning einkaréttarbréfanna hefur staðið undir kostnaðinum við dreifingu á óvirkum markaðssvæðum, þar sem tekjurnar hafa ekki verið nægar þar. Og ef einkarétturinn fellur niður og Pósturinn er að keppa á samkeppnismarkaði um dreifingu bréfa, þá mun verðlagning bréfanna á virkum markaðssvæðum ráðast af tilkostnaði við dreifingu þar. Þá er hægt að lækka burðargjöldin í þéttbýlinu verulega en þá stendur eftir hvernig á að greiða á öðrum svæðum þar sem enginn vill sinna alþjónustunni. Það er atriði sem þingið verður væntanlega að horfa til og svara,“ segir forstjórinn. 

Í frumvarpsdrögunum er gengið út frá því að ríkið muni greiða fyrir þá þjónustu sem talin er nauðsynleg og ekki hægt að veita á markaðsforsendum. Ingimundur tekur undir að í raun yrði þá um að ræða tilfærslu þannig að póstburðargjöld í þéttbýli myndu lækka en þess í stað þyrftu skattgreiðendur að greiða fyrir þjónustuna í dreifbýlinu úr ríkissjóði, þ.e. til þess fyrirtækis sem sinnti þjónustunni.

Getur Pósturinn starfað á samkeppnismarkaði?

Hvað varðar áhrif nýrra laga á rekstur Íslandspósts og starfsmannafjölda, segir Ingimundur framhaldið velta á skiptingu markaðarins.

„Á Norðurlöndunum er bréfadreifingin að langstærstum hluta í höndum póstfyrirtækjanna, þó að það séu mörg ár frá því að einkarétturinn var afnuminn þar. Þannig að ef það yrði reyndin hér þá þyrfti ekki að koma til mikilla breytinga. En maður veit svo sem ekkert hvernig markaðurinn mun þróast, þannig að það fylgir þessu ákveðin óvissa.“

En hefur komið til tals að leggja þetta alfarið í hendur einkaaðila og leggja hið opinbera hlutafélag Íslandspóst niður?

„Ekki hefur það borist í mín eyru,“ segir Ingimundur. „En væntalega hafa menn horft til þess á sínum tíma, þegar Pósti og síma var breytt úr stofnun í hlutafélög; að menn ætluðu að láta Póstinn, á sama hátt og Símann, starfa bara á virkum markaði. Þá er náttúrulega lykilspurningin sú hvort það sé eitthvað vit í því að ríkið sé að eiga flutningafyrirtæki eins og Póstinn. Því verður hver að svara fyrir sig. Þá er stóra spurningin hvort ríkið vilji ekki bara selja hlutinn sinn og þá er möguleiki að sameina Póstinn öðrum eða bara reka hann á sömu forsendum í prívateigu.“

Ljóst er að Pósturinn er í yfirburðastöðu hvað varðar dreifingu ...
Ljóst er að Pósturinn er í yfirburðastöðu hvað varðar dreifingu bréfa. mbl.is/Árni Sæberg

En er það sanngjarnt? Er hægt að opna markaðinn og segjast ætla að koma á samkeppni þegar Pósturinn er í mikilli yfirburðastöðu með þetta dreifikerfi og þessa starfsemi?

 „Það er bara matsatriði,“ svarar Ingimundur. „Það eru ýmsir aðrir hér á sambærilegum markaði og Pósturinn með ágætismarkaðshlutdeild, til dæmis í pökkum. Við erum ekki með yfirgnæfandi markaðshlutdeild þar. Og í raun hefur Pósturinn verið að breytast úr því að vera bréfafyrirtæki með nokkra pakka í að vera pakka- eða vöruflutningafyrirtæki með nokkur bréf. Og maður sér alveg fram á það að bréfum fækki enn frekar. Þannig að það blasir við að Pósturinn er fyrst og fremst vöruflutningafyrirtæki og verður það.“ 

Eignarhald ríkisins tilfinningalegt

Bréfum innan einkaréttar Íslandspósts hefur fækkað úr 60 milljónum bréfa í 26 milljónir bréfa á undanförnum árum. Fyrirtækið hefur hins vegar setið eitt að þjónustunni. Sér Ingimundur fyrir sér að það gæti breyst?

„Já, það gæti gerst með afnámi einkaréttarins,“ segir hann. „Ég geri alveg fastlega ráð fyrir því að þeir sem eru í dreifingu á höfuðborgarsvæðinu og í stærri þéttbýliskjörnum muni að minnsta kosti skoða það að setja bréfin í þá farvegi sína. Slíkir farvegir eru til. En hvort þeir fara saman þegar á reynir veit maður ekki. Það reyndist okkur til dæmis ekki heppilegt að dreifa blöðum, það er að segja dagblöðum, og bréfum í sama farveg. Það getur verið að einhverjum öðrum takist það betur. Þannig að það eru pípur fyrir þetta allt saman fyrir hendi í þéttbýli en vandinn lýtur fyrst og fremst að dreifbýlinu. Þannig að með þetta í huga eru svo sem fullar forsendur til að selja hlut ríkisins í vöruflutningafyrirtæki, ef menn vilja það.“

Árið 2012 sögðust 60% svarenda könnunar stjórnvalda að það hentaði ...
Árið 2012 sögðust 60% svarenda könnunar stjórnvalda að það hentaði þeim prýðilega að fá póstinn þrisvar í viku í stað fimm sinnum í viku. mbl.is/Árni Sæberg

En þá spyr maður aftur; verður það fyrirtæki ekki alltaf í yfirburðastöðu? Verður ekki að leggja Póstinn niður til að skapa samkeppnisskilyrði?

„Nei, ég get nú ekki séð það endilega. Þetta er það sem menn hafa verið að gera í Evrópu meira og minna. En menn geta spurt sig að því hvenær rétti tímapunkturinn er til að selja ef menn vilja selja. Hvort menn gera það strax eða eftir einhver ár. En það er búið að selja póstfyrirtæki víða.“

Ingimundur bendir enn fremur á að umtalsverð verðmæti liggi í Íslandspósti, sem ríkið ætti ekki að láta fara forgörðum.

Í drögum að nýja frumvarpinu kemur fram að alþjónustan hafi víðast hvar verið tryggð með því að útefna alþjónustuveitanda, sem hefur iðulega verið fyrrverandi einkaleyfishafi viðkomandi ríkis. Á Norðurlöndunum eru fyrirtækin sem sinna þjónustunni enn í eigu ríkisins.

„Ég held að rökin á bak við það séu tilfinningaleg; að þetta sé svo mikil grunnþjónusta sem þarf að tryggja með öruggum hætti að menn vilja hafa fingur ríkisins á því. En ég hef ekki heyrt þau rök að þessi fyrirtæki séu betur í stakk búin í samkeppni. Það er jafnvel kannski öfugt. Sumir vilja meina að fyrirtæki í eigu ríkisins eigi erfiðara uppdráttar í samkeppni en önnur fyrirtæki,“ segir Ingimundur.

Drög að frumvarpinu er að finna á heimasíðu samgöngu- og sveitastjórarráðuneytisins en umsagnarfrestur er til 14. ágúst nk.

mbl.is

Bloggað um fréttina

Innlent »

Endurupptaka Geirfinnsmálsins peningasóun

Í gær, 22:01 Jón Gunnar Zoëga, lögmaður og réttargæslumaður Valdimars Olsen sem sat saklaus í gæsluvarðhaldi grunaður um aðild að hvarfi Geirfinns Einarssonar, segir það peningasóun að taka Guðmundar- og Geirfinnsmálin upp að nýju fyrir dómstólum. Þau seku í málinu hafi verið dæmd. Meira »

Missti af því að byrja að drekka

Í gær, 21:20 Marta Magnúsdóttir segir að í skátunum hætti enginn að leika sér. Þessi 23 ára skátahöfðingi Íslands hefur ferðast víða um heim og er meira að segja pólfari. Hún er uppalin í Grundarfirði og unir sér illa í borgum. Hún segir að það besta við að vera í skátunum sé að maður fái að vera maður sjálfur. Meira »

Stormur og hellidemba á morgun

Í gær, 20:45 „Þetta er nú lítið spennandi veður. Mikið vatnsveður og hvasst með þessu en þetta er ekki mest spennandi laugardagur sem við höfum upplifað,“ segir Theodór Freyr Hervarsson, veðurfræðingur á Veðurstofu Íslands, um veðrið á morgun. Meira »

Hatursorðræða er samfélagsmein

Í gær, 20:20 Ísland er langt á eftir norrænum ríkjum þegar kemur að umræðu og lagasetningu um hatursorðræðu. Þetta kom fram á ráðstefnu um hatursorðræðu í íslensku samfélagi sem fram fór í Hörpu í dag á vegum Æskulýðsvettvangsins. Meira »

Stjórnarráðið lýst upp í fánalitunum

Í gær, 19:54 Stjórnarráð Íslands hefur nú fengið á sig nýja lýsingu, sem hægt er að hafa í íslensku fánalitunum. Það er lýsingarteymi Verkís sem á heiðurinn af hönnun nýju lýsingarinnar sem nær yfir allar hliðar byggingarinnar, utan bakhliðarinnar. Meira »

Gagnrýndi kjarnorkutilraunir N-Kóreu

Í gær, 19:32 Guðlaugur Þór Þórðarson utanríkisráðherra, gagnrýndi eldflauga- og kjarnavopnatilraunir Norður-Kóreustjórnar og efnavopnaárásir Sýrlandsstjórnar í ávarpi sínu á allsherjarþingi Sameinuðu þjóðanna í New York í dag. Þá lýsti Guðlaugur Þór yfir áhyggjum af aðstæðum Rohingya í Myanmar. Meira »

Áhættusöm myndataka við Gullfoss

Í gær, 19:20 Ferðamaður tók mikla áhættu í klettunum við Gullfoss fyrir nokkru, að því er virðist í þeim tilgangi að láta taka mynd af sér við fossinn. „Það var enginn sem var að skipta sér af þessu og enginn sem var með eftirlit þarna virðist vera.“ Meira »

Akstur krefst fullrar athygli

Í gær, 19:30 Vertu snjall undir stýri nefnist átak sem Slysavarnafélagið Landsbjörg ýtti nýverið úr vör. Tilgangur þess er að vekja bílstjóra til umhugsunar um þá miklu ábyrgð sem fylgir því að vera úti í umferðinni og nota snjalltæki undir stýri með mögulegum lífshættulegum afleiðingum. Meira »

Teikaði vespu á hjólabretti og fékk bætur

Í gær, 19:11 Héraðsdómur Reykjavíkur úrskurðaði í dag að Vátryggingafélags Íslands (VÍS) skyldi greiða helming þess tjóns sem ungur maður varð fyrir þegar hann datt á hjólabretti, sem dregið var áfram af vespu sem var á töluverðri ferð. Meira »

Fjármagnið minna en ekkert

Í gær, 18:36 Það fjármagn sem rennur til Landspítalans er minna en ekkert þegar öll kurl eru komin til grafar. Þetta segir Páll Matthíasson, forstjóri Landspítalans, í vikulegum pistli sínum á vef spítalans. Hann gerir ráð fyrir að heilbrigðismálin verði aftur ofarlega á baugi í kosningabaráttunni. Meira »

Bullum, gerum grín og stríðum hvert öðru

Í gær, 18:30 Vinskapurinn milli þeirra Siggu, Jogvans og Guðrúnar hefur vaxið með samstarfi þeirra í söng og þau hittast oft í hádeginu til að hlæja. Þau ætla að skemmta gestum sínum í kvöld í þrítugasta sinn, og hlæja mikið. Þau skemmta sér sjálf manna best á tónleikunum þar sem þau segja sögur og gera grín hvert að öðru. Meira »

Gáfu styttuna af Ingólfi Arnarsyni

Í gær, 18:20 Í tilefni af 150 ára afmæli Iðnaðarmannafélagsins í Reykjavík hefur verið gerð heimildarmynd um sögu þess. Árið 1924 gaf félagið íslensku þjóðinni styttu af Ingólfi Arnarsyni sem Knud Zimsen borgarstjóri og fyrrverandi formaður Iðnaðarmannafélagsins afhjúpaði við hátíðlega athöfn. Meira »

Með frumvarp fyrir framkvæmdum í Teigsskógi

Í gær, 18:05 Sjö þingmenn Norðvesturkjördæmis ætla á næsta þingfundi að leggja fram frumvarp þess efnis að Vegagerðinni verði veitt leyfi til framkvæmda á leið Þ-H á Vestfjarðavegi, sem liggur um Teigsskóg í vestanverðum Þorskafirði. Meira »

Börn fái nauðsynlega vernd

Í gær, 17:25 Logi Einarsson, formaður Samfylkingarinnar, sagði að loknum fundi formanna flokkanna með forseta Alþingis að umræður um breytt útlendingalög hefðu ekki verið á þann veg sem hann hefði viljað sjá, þannig að breytingarnar tryggðu börnum fullnægjandi réttindi. Meira »

Fjarar undan tillögum um stjórnarskrá

Í gær, 16:09 Bjarni Benediktsson forsætisráðherra sagði að loknum fundi með hinum formönnum flokkanna og forseta Alþingis að málin þokist í rétta átt, til dæmis hvað varðar uppreist æru. „Mér sýnist að menn séu komnir með niðurstöðu um það. Síðan eru önnur mál sem eru aðeins flóknari að ná utan um.“ Meira »

„Þeirra leið til að brjóta mann niður“

Í gær, 17:55 „Ég gæti setið hérna í allan dag og sagt ykkur sögur, því miður,“ segir Pape Mamadou Faye, framherji Víkings Ólafsvík. Sögurnar sem hann á við tengjast allar fordómum og/eða hatursorðræðu á einhvern hátt. Meira »

Hnepptur í gæsluvarðhald

Í gær, 16:41 Héraðsdómur Reykjavíkur féllst í dag á að erlendur karlmaður á fertugsaldri væri dæmdur í gæsluvarðhald. Það gildir í eina viku og er veitt á grundvelli rannsóknarhagsmuna. Meira »

Hjólreiðar verði raunhæfur samgöngukostur

Í gær, 16:00 Hjólreiðar eiga að vera raunhæfur kostur enda draga þær úr umhverfisáhrifum, lækka samgöngukostnað og minnka orkuþörf. Þetta sagði Jón Gunnarsson samgöngu- og sveitarstjórnarráðherra í ávarpi sínu á ráðstefnunni Hjólum til framtíðar, sem haldin var í tilefni Samgönguviku. Meira »
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Sendibílaþjónustan Skutla S:867-1234
Tökum að okkur almenna flutninga, skutl, vörudreifingu o.fl. Nánari uppl. á www....
HARMONIKKUHURÐIR SPARA MIKIÐ PLÁSS
Margar gerðir, oftast afgreiddar samdægurs, verð frá kr. 13.900,- Sími 848 3215...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Það er opin vinnustofa hjá...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...
Reikningsskiladagur
Fundir - mannfagnaðir
Reikningsskiladagur FLE Föstudagur...