Hvalfjarðargöngunum var lokað í um það bil hálftíma eftir að reykur kom upp í bifreið sunnanmegin nú síðdegis. Marínó Tryggvason, öryggisfulltrúi Hvalfjarðarganga, segir að ekki hafi komið upp eldur í bifreið líkt og talið var hugsanlegt í fyrstu heldur hafi komið upp vélarbilun í bifreiðinni með fyrrgreindum afleiðingum.
„En viðbrögðin voru alveg rétt,“ segir Marínó. Fjórir slökkviliðsbílar og einn sjúkrabíll fóru í útkallið og göngin voru rýmd.