Hafin er söfnun handa fjölskyldu Bjarka Más Guðnasonar sem lenti í alvarlegu slysi á Selfossi 11. júlí og lést á Landspítalanum þremur dögum síðar. Aðstandendur fjölskyldu Bjarka standa að baki söfnuninni.
„Fjölskylda og vinir hafa ákveðið í kjölfar þessa hræðilega slyss að biðja þá sem mögulega hafa tök á að styrkja fjölskyldu hans til að létta undir á þessum erfiðu tímum sem fram undan eru,“ skrifar Anna Karen Vigdísardóttir en hún er góð vinkona móður Bjarka.
Slysið varð klukkan níu um kvöld á þriðjudaginn í síðustu viku en Bjarki hafði verið að vinna undir bifreið. Féll hún af tjakki með þeim afleiðingum að maðurinn klemmdist fastur. Endurlífgunartilraunir þá báru árangur á staðnum og var hann fluttur með þyrlu Landhelgisgæslunnar á bráðamóttöku. Þar var hann úrskurðaður látinn á föstudag.
Anna Karen þakkar fólki enn fremur fyrir stuðninginn en hægt er að styrkja fjölskylduna með því að leggja inn á móður Bjarka:
Bankanúmer. 0189-26-6500
kennitala. 151280-4719