Katalóninn sem kom inn úr hitanum

Jordi gengur á fjöll og fer flestra sinna ferða á ...
Jordi gengur á fjöll og fer flestra sinna ferða á hjóli. Hér er hann við Höfða með Faxaflóann í baksýn. mbl.is/Ófeigur Lýðsson

Jordi Pujolà starfaði árum saman sem fasteignasali í heimaborg sinni Barcelona þegar hann fann hjá sér þörf fyrir að breyta til og helga sig ritstörfum. Frá því hann fluttist til Íslands fyrir fjórum árum ásamt fjölskyldu sinni hefur hann skrifað tvær skáldsögur á spænsku þar sem Ísland er í brennidepli og notar hvert tækifæri til að kynna landið fyrir löndum sínum, m.a. heldur hann úti bloggi til gagns og gamans fyrir spænskumælandi túrista á Íslandi.

Fasteignasalar og fjárfestar þykja alla jafna ekki svo skáldlega vaxnir að fólk geri því skóna að þeir gangi með rithöfund í maganum. En lengi skal manninn reyna. Eins og aðrir geta þeir líka átt sér drauma um annars konar líf. Jafnvel þótt þeim vegni vel í starfi og séu hamingjusamir í einkalífinu. Þéni vel og búi vel. Eigi fína íbúð í fínu hverfi, BMW-glæsibifreið, hlut í fjölskyldufyrirtæki og í rauninni allt til alls.

Jordi, Guðný og börn þeirra, Anný 8 ára og Christian ...
Jordi, Guðný og börn þeirra, Anný 8 ára og Christian 10 ára. mbl.is/Ófeigur Lýðsson


Þannig var líf Katalónans Jordis Pujolà, hagfræðings, fasteignasala og fjárfestis í Barcelona, þar sem hann er fæddur og uppalinn og bjó með eiginkonu sinni, Guðnýju Hilmarsdóttur ljósmyndara, og tveimur ungum börnum árið 2012. Það var þá sem hann ákvað að láta drauminn rætast, leysa rithöfundinn í sér úr læðingi, breyta til og lifa annars konar og einfaldara lífi. Á öðrum stað. Ári síðar fluttist fjölskyldan búferlum til Íslands. Jordi byrjaði að skrifa.

„Fyrsta skáldsaga mín, Necesitamos un Cambio – El sueño de Islandia, kom út árið 2015. Á íslensku þýðir titillinn Við þurfum breytingu – Íslenski draumurinn,“ segir Jordi brosandi og lýsir söguþræðinum stuttlega: „Tónlistarmaðurinn Martin berst gegn spillingu á Spáni, sem að hans mati er þjóðfélag misskiptingar. Hins vegar finnst honum flest til fyrirmyndar á Íslandi, til dæmis hvernig Íslendingar nýta jarðvarma til upphitunar húsa, og stofnar stjórnmálaflokki á Spáni sem hann nefnir Við viljum breytingar.“

Jóga, hugleiðsla og hugarfarsbreyting

Jordi og Guðný í tilhugalífinu.
Jordi og Guðný í tilhugalífinu.


Ísland er innblástur sögunnar og Jordi getur ekki neitað að hann og söguhetjan eigi ýmislegt sameiginlegt; báðir hrifust af Íslandi og breyttu lífi sínu, hvor með sínum hætti. „Þegar ég byrjaði að stunda jóga og hugleiðslu fyrir um fimmtán árum varð smám saman hugarfarsbreyting hjá mér. Árið 2012 var ég að verða fertugur, hafði alltaf búið í Barcelona, verið umkringdur sama fólkinu og lífið var orðið svolítið eins og rútína. Ég gerði mér æ betur grein fyrir að það sem mig raunverulega langaði til var að fást við ritstörf, verða rithöfundur og skrifa skáldsögur. Maður lifir aðeins einu sinni og fær ekki annað tækifæri. Þótt við Guðný hefðum ráðgert að búa áfram í Barcelona tók hún hugmyndinni um að flytja til Íslands fagnandi – eins og fjölskylda hennar þegar hún fékk tíðindin. Öðru máli gegndi auðvitað um mína fjölskyldu, ákvörðunin kom henni algjörlega í opna skjöldu,“ segir Jordi.

Faðir hans reyndi að vonum að telja honum hughvarf, enda missti hann ekki aðeins son sinn úr landi heldur um leið meðeiganda og samstarfsmann til fjölda ára. „Hann spurði hvort ég gæti ekki alveg eins skrifað í Barcelona úr því ég hafði fengið þá flugu í höfuðið að verða rithöfundur. En ég vissi að þar gæti ég aldrei slitið mig alveg frá vinnunni og viðskiptavinunum. Ég þyrfti að gera róttækar breytingar í nýju umhverfi. Auk þess var áhættan ekki svo mikil því við gætum alltaf flust aftur til Barcelona ef því væri að skipta.“

Lætur veðrið ekki á sig fá

Jordi og Guðný með börnunum.
Jordi og Guðný með börnunum.


En fjölskyldan er alsæl á Íslandi. Jordi á varla orð yfir fegurð landsins og stórbrotna náttúru. Hann lætur kuldann og veðrið ekki á sig fá, nýtur þess raunar hversu hér er umhleypingasamt, og gengur bæði á fjöll og hjólar allra sinna ferða hvernig sem viðrar. Honum finnst mikilvægt að stunda útivist og heilbrigða lífshætti. Að vísu saknar hann fjölskyldu sinnar í Barcelona, en hvorki sólarinnar og góða verðursins né BMW-sins, nema síður væri. Enda finnst honum óþarfi fyrir meðalmann eins og hann að eiga glæsibifreið þegar það eina sem maður þurfi sé öruggur bíll til að komast á leiðarenda. Hvað þá tvö heimili þegar bara sé hægt að búa á einu.

„Fyrstu tvö árin lærði ég íslensku í Háskóla Íslands, en hætti vegna þess að ég hafði svo mikið að gera. Ég vildi ljúka við skáldsöguna og jafnframt eiga tíma með fjölskyldunni. Auk þess var ég í hlutastarfi sem þjónn og vann í birgðadeildinni hjá Íslenskum fjallaleiðsögumönnum. Ég er að eðlisfari mjög skipulagður og vildi einfaldlega geta sinnt þessu öllu almennilega. Íslenskunámið bíður betri tíma.“

Jordi og Guðný með börnunum.
Jordi og Guðný með börnunum.


Jordi skilur íslensku býsna vel og gerir sér far um að tala málið, en bregður enskunni fyrir sig þegar samræður fara á „flóknara plan“ eins og hann segir. Eins og flestir Barcelonabúar er hann jafnvígur á katalónsku og spænsku. Skáldsagan er á spænsku og einnig sú næsta, El barman de Reykjavik, eða Barþjónn Reykjavíkur, sem hann hefur verið með í smíðum undanfarin tvö ár. „Bókin kemur út 21. september og þá ætlar spænski útgefandinn minn að halda útgáfuteiti í einni af bókaverslunum FNAC í Barcelona. Á sama tíma er La Merce-menningar- og tónlistarhátíðin haldin í borginni og er Reykjavík heiðursgestur í ár. Ég er í viðræðum við spænsku ræðismannsskrifstofuna um samvinnu á kynningarbás Íslendinga á hátíðinni svo hugsanlega stend ég þar vaktina einhvern daginn.“

Bloggsíða um Ísland á spænsku

Skáldsögur Jordis hverfast ekki aðeins að stórum hluta um Ísland heldur hefur hann verið ötull að kynna landið fyrir Spánverjum á öðrum vettvangi. Í fyrra setti hann í loftið bloggsíðu á spænsku þar sem Ísland er í brennidepli sem og ýmsir siðir sem kunna að koma þeim spánskt fyrir sjónir. Eins og honum sjálfum. Til að byrja með að minnsta kosti.

Börn Jordi og Guðnýjar á kaffihúsi.
Börn Jordi og Guðnýjar á kaffihúsi.


„Auk þess sem ég vinn vaktavinnu á Avis-bílaleigu ver ég miklum tíma í bloggið, sem er styrkt af Íslenskum fjallaleiðsögumönnum. Þeir eru með mikið af efni um Ísland á ensku á netinu, en vantaði upplýsingar á spænsku, enda Spánverjar almennt ekki mjög sleipir í enskunni. Heimsóknum á síðuna fjölgar jafnt og þétt, bara í júlí voru þær tólf þúsund og ég fæ æ fleiri fyrirspurnir og komment. Ég skrifa um allt milli himins og jarðar, gagnlegar upplýsingar um land og þjóð, mat og matarsiði, veitingastaði og veðrið, mína persónulegu reynslu og upplifun og ekki síst ýmsa undarlega siði og það sem útlendingum kann að finnast skrýtið í fari Íslendinga.“

Ári eftir að Jordi og fjölskylda fluttust til Íslands skrifaði hann grein í Stúdentablaðið með fyrirsögninni 20 skrýtnir hlutir við Ísland, sem vakti mikla athygli. Það sem honum þótti t.d. skrýtið var að Íslendingar opna gluggann þegar kyndingin inni er orðin of mikil, að verslun sé lokuð „vegna veðurblíðu“, að geta borgað einn sleikjó með kreditkorti og að fylgjast með Íslendingum tala á „innsoginu“ í símann. „Fyrst hélt ég að einhver ósköp hefðu komið fyrir,“ skrifaði hann.

Hákarl kemur við sögu

Upplifanir Jordi á Íslandi eru komnar út á bók.
Upplifanir Jordi á Íslandi eru komnar út á bók.


Í bókinni Barmaður Reykjavíkur kemur Jordi líka inn á alls konar séríslenska siði. Hákarl er táknrænn í sögunni, en sjálfum finnst honum stórfurðulegt hvernig Íslendingar verka skepnuna áður en þeir leggja sér hana til munns. „Söguhetjan er lögfræðingur frá Barcelona sem kemur til Íslands til að hefja nýtt líf eftir að hafa lent í vondum málum og meðal annars átt í útistöðum við spænsku mafíuna. Hann fær vinnu við að blanda kokteila í ólöglegu spilavíti í Reykjavík þar sem eigandinn er með hákarl í glerbúri. Smám saman verður staðurinn rómaður fyrir einstaklega góða kokteila og spilavítið breytist í kokteilstað fyrir ríka og fræga fólkið. Hákarlinn í glerbúrinu og spilaborðið eru þó áfram höfð til minningar. Af barþjóninum er það að segja að hann kemst að raun um að fortíðin eltir mann alltaf uppi,“ segir Jordi. Honum finnst ástæðulaust að rekja söguþráðinn nánar, en upplýsir að ýmislegt megi lesa milli línanna og sögunni sé ætlað að kveikja hjá lesendum löngun til að sækja Ísland heim. „Ég bý til mjög góða kokteila,“ svarar hann svo kankvís þegar hann er spurður hvort hann eigi eitthvað sammerkt með söguhetjunni.

Íslenski draumurinn

Öfugt við lögfræðinginn frá Barcelona, sem gerðist barþjónn í Reykjavík, er Jordi sáttur við fortíðina. Hann er nokkuð viss um að draumur hans rætist um að geta lifað af ritstörfum og bókaskrifum í framtíðinni. Á Íslandi. Enda bjó hann vel í haginn fyrir framtíðina í fortíðinni. „Ef maður einsetur sér eitthvað og vinnur að því af heilum hug vegnar manni vel. Ég væri ennþá í Barcelona ef ég sæktist eftir ríkidæmi og rútínu,“ segir hann.

Spánskt fyrir sjónir

Þegar Jordi hafði búið á Íslandi í rúmt ár skrifaði hann grein í Stúdentablaðið um upplifun sína á Íslandi og nefndi nokkur atriði sem komu honum spánskt fyrir sjónir, m.a. þessi:



... að sjá öll veðurtáknin á sama tíma í veðurfréttunum (sól, rigningu, snjó ...).



...að nóg sé að segja „komdu sæl/l þegar þú hittir nýtt fólk og þurfa ekki að kyssa neinn eins og á Spáni.



... að sokkar eru jafnmikilvægir og skór. Jafnvel hjá tannlækninum fer fólk úr skónum.



... að þú þurfir ekki að sýna afgreiðslufólki í matarbúðum ofan í bakpokann þinn til að sýna fram á að þú sért ekki að stela eins og þarf að gera á Spáni. Þegar ég gerði það í fyrsta skipti horfði unglingurinn sem afgreiddi mig í Bónus á mig eins og ég væri klikkaður.

Vefsíða: jordipujola.com Bloggsíða: escritorislandia.com/blog/ Facebook og Twitter: facebook.com/jordipujolaescritor twitter.com/jordipujolabcn

Innlent »

Hvalfjarðargöng lokuð í nótt

00:08 „Það er árlegur viðburður í rekstri ganganna að loka þeim í nokkrar nætur að vori og hausti af þessu tilefni. Lokun nú er því hefðbundin ráðstöfun og beðist er velvirðingar á óþægindum sem hún kann að valda,“ segir í tilkynningu á heimasíðunni. Meira »

Vinafagnaður með gleðisöng

Í gær, 23:47 „Söngurinn er þessi fagra leið að hjarta manneskjunnar. Hann eflir samkennd og færir fólk nær hvað öðru í vináttu. Í tónlist geta allir sameinast,“ segir Þorgerður Ingólfsdóttir kórstjóri en í dag eru liðin 50 ár frá því að Kór Menntaskólans við Hamrahlíð kom saman til sinnar fyrstu æfingar. Meira »

Lögreglustjóri mátti þola áreitni

Í gær, 22:43 Sigríður Björk Guðjónsdóttir, lögreglustjóri á höfuðborgarsvæðinu, tekur þátt í samfélagsmiðlabyltingunni #MeToo. Hún birti færslu á Facebook-síðu sinni í kvöld þar sem hún segir að hún hafi mátt þola „allt það helsta sem konur geta átt á hættu að verða fyrir þegar þær feta sig inn í heim karlanna.“ Meira »

Taupokarnir með tvöfalt hlutverk

Í gær, 21:41 Áhuginn skein úr hverju andliti þegar Morgunblaðið heimsótti á mánudaginn hóp kvenna úr hópi flóttafólks og hælisleitenda sem vikulega mæta í aðstöðu Hjálpræðishersins í Mjóddinni í Reykjavík. Meira »

Guðni í opinberri heimsókn í Norðurþingi

Í gær, 21:36 Guðni Th. Jóhannesson, forseti Íslands, er nú opinberri heimsókn í Norðurþingi ásamt eiginkonu sinni Elizu Reid. Hann mun koma víða við í heimsókn sinni, en í dag opnaði hann formlega sýningu um sögu hvalveiða og hvalaskoðunar við Ísland á Hvalasafninu á Húsavík. Meira »

Þorgerður skaut á Katrínu á opnum fundi

Í gær, 20:53 Þorgerður Katrín Gunnarsdóttir, formaður Viðreisnar og sjávarútvegs- og landbúnaðarráðherra, skaut föstum skotum að Katrínu Jakobsdóttur, formanni Vinstri grænna, á fundi um menntamál sem haldinn var á vegum Kennarasambands Íslands í samstarfi við menntavísindasvið Háskóla Íslands í dag. Meira »

Menn endurtaka sömu fyrirheitin

Í gær, 18:45 „Það var mikill samhljómur meðal fulltrúa flokkanna um að það væri mikilvægt að stefna vísinda- og tækniráðs á hverjum tíma næði fram að ganga,“ segir Rúnar Vilhjálmsson, formaður Félags prófessora við ríkisháskóla. Meira »

Eldur í ruslagámi á Smiðjuvegi

Í gær, 19:59 Slökkviliðið á höfuðborgarsvæðinu var kallað út skömmu eftir sjö í kvöld vegna elds sem kviknað hafði í ruslagámi á Smiðjuvegi. Meira »

Áfram stormur á morgun

Í gær, 18:08 Það sló í storm á nokkrum stöðum á Suðvesturlandi í dag þar sem vindur mældist um 20 m/s. Verstar voru hviðurnar við fjöll, m.a. Hafnarfjallið þar sem vindhraðinn þar fór vindhraðinn hátt í 40 m/s í verstu hviðunum í dag. Meira »

Allt að 5.000 íbúðir til leigu á Airbnb

Í gær, 17:43 Á bilinu 4.500 til 5.000 heilar íbúðir eru til leigu á Airbnb á landinu öllu samkvæmt nýjum gögnum sem Seðlabankinn festi kaup á frá greiningarfyrirtækinu AirDNA sem fylgist meðal annars með og greinir umsvif gistiþjónustufyrirtækisins alþjóðlega. Meira »

Bjóða konum í leikhús á Kvennafrídaginn

Í gær, 17:29 Leikfélag Akureyrar ætlar að konum á sýninguna Kvenfólk í Samkomuhúsinu á Kvennafrídaginn, þann 24. október október næstkomandi. Sýningin hefst klukkan 15.00 og er aðgangur ókeypis á meðan húsrúm leyfir. Meira »

Lögbann á störf Loga

Í gær, 16:49 Sýslumaðurinn á höfuðborgarsvæðinu hefur samþykkt lögbannsbeiðni fjölmiðlafyrirtækisins 365 um að Logi Bergmann hefji störf hjá Símanum og Árvakri, útgefanda mbl.is. Þetta staðfestir Logi í samtali við mbl.is, en málið var tekið fyrir í dag og kveðinn upp úrskurður. Meira »

Tvöföldun brautarinnar ljúki sem fyrst

Í gær, 16:02 Krafa til stjórnvalda um að lokið verði við tvöföldun Reykjanesbrautar frá Kaldárselsvegi að mislægum gatnamótum á Krýsuvíkurvegi er meðal þess sem kemur fram í ályktun sem lögð var fram á íbúafundi í Hafnarfirði sem fram fór í gær. Meira »

Áreitti ókunnuga konu ítrekað í síma

Í gær, 15:35 Karlmaður á þrítugsaldri hefur verið ákærður af embætti ríkissaksóknara fyrir kynferðislega áreitni með því að hafa frá því í mars 2014 til október 2015 ítrekað hringt í ókunnuga konu og viðhaft kynferðislegt tal. Maðurinn gaf ekki upp nafn sitt þrátt fyrir að konan hafi ítrekað óskað eftir því. Meira »

Bæta þarf laun og starfsumhverfi

Í gær, 15:22 Sviðsstjóri kjarasviðs í Félagi íslenskra hjúkrunarfræðinga segir að eitthvað þurfi að gera til að halda hjúkrunarfræðingum í starfi. Samkvæmt skýrslu Ríkisendurskoðunar vantar 570 hjúkrunarfræðinga til starfa í heilbrigðiskerfinu. Meira »

Sjálfstæðisflokkurinn með 19,9%

Í gær, 15:38 Sjálfstæðisflokkurinn mælist nú með mest fylgi íslenskra stjórnmálaflokka samkvæmt könnun MMR, eða 19,9%.  Meira »

Þriðji fundur flugvirkja árangurslaus

Í gær, 15:33 Þriðji fundur Flugvirkjafélags Íslands og SA vegna Icelandair var haldinn hjá ríkissáttasemjara í morgun og var hann árangurslaus, að sögn Óskars Einarssonar, formanns Flugvirkjafélags Íslands. Meira »

Búið að koma í veg fyrir frekari mengun

Í gær, 15:00 Olíumengunin í Grófarlæk tengist að öllum líkindum gömlu röri á svæði N1-bensínstöðvarinnar. Búið er að koma í veg fyrir frekari mengun og segist heilbrigðisfulltrúi Heilbrigðiseftirlits Hafnarfjarðar og Kópavogsbæjar telja að með samstilltu samstarfi hafi verið komið í veg fyrir tjón á lífríkinu. Meira »

Skoðanakannanir

[ Nánar | Allar kannanir í CSV-skrá ]

Íslenskir stálstólar nýklæddir 4stykki og fleiri
er með nokkra Ísl. stálstóla, nýtt áklæði, í góðu standi á 12.500 kr. STYKKIÐ. ...
2ja daga Lightroom námskeið 30.+ 31.okt.
LIGHTROOM NÁMSKEIÐ 30. OG 31. OKT. 2ja daga byrjenda námskeið í LIGHTROOM ...
2ja daga Lightroom námskeið 30.+ 31.okt.
LIGHTROOM NÁMSKEIÐ 30. OG 31. OKT. 2ja daga byrjenda námskeið í LIGHTROOM ...
 
Eldri borgarar
Staður og stund
Aflagrandi 40 Það er opin vinnustofa hjá...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...
Samkoma
Félagsstarf
Samkoma kl. 20 í Kristniboðs- salnum. R...
Sölumaður / kona
Iðnaðarmenn
Sölumaður / kona óskast til að annas...