Annar fundur í kjaraviðræðum Skurðlæknafélags Íslands og samninganefndar ríkisins var haldinn í morgun.
„Þetta gekk bara vel. Það er vilji hjá báðum til að ljúka þessu fljótlega,“ segir Eiríkur Orri Guðmundsson, formaður samninganefndar skurðlækna.
Næsti fundur er fyrirhugaður á þriðjudaginn í næstu viku.
Kjarasamningur félagsins rennur út 31. ágúst.
Síðasti kjarasamningur skurðlækna var undirritaður í janúar árið 2015 eftir verkfall sem hafði mikil áhrif á starfsemi Landspítalans.