Vilhjálmur A. Kjartansson
„Ég get tekið undir flest það sem kemur fram í ályktun Lögreglufélags Vestfjarða, m.a. að efla og styrkja þurfi lögregluna í landinu, t.d. með auknum fjárheimildum og fjölgun lögreglumanna.“
Þetta segir Snorri Magnússon, formaður Landssambands lögreglumanna, í Morgunblaðinu í dag en hann segir ástandið vera orðið alvarlegt. „Alls staðar á landinu er skortur á lögreglumönnum og verkefnum fjölgar, m.a. erfiðum verkefnum.“
Í ályktun Lögreglufélags Vestfjarða er sérstaklega minnt á þverpólitíska skýrslu Innanríkisráðuneytisins um löggæsluþörf, sem gefin var út árið 2014 þar sem kom fram að lögreglumenn á Vestfjörðum skyldu vera 27 árið 2017. Fjárheimildir í dag leyfa aðeins 21 lögreglumann.