Leita á spítalann vegna andþyngsla

Fimmtán manns hafa leitað á Landspítalann frá því klukkan átta í morgun vegna andþyngsla að sögn Jóns Magnússonar, yfirlæknis á Landspítalanum. Mikil mengun hefur mælst á höfuðborgarsvæðinu í kjölfar gamlárskvölds.

„Flestir eru þetta einstaklingar sem eru með undirliggjandi lungnasjúkdóm,“ segir hann í samtali við mbl.is.

Frétt af mbl.is

„Þetta er líklega mengunarmet“

„Þessir sjúklingar koma og eru þá með mikla mæði og andnauð og þurfa að fá hjá okkur súrefni og sérhæfða innúðameðferð,“ segir Jón. Í einhverjum tilfellum hafi sjúklingarnir þurft á innlögn að halda.

Hann segir fleiri hafa leitað á spítalann með öndunarerfiðleika heldur en þegar náttúruhamfarir á borð við eldgos hafa átt sér stað. Einnig séu tilfellin fleiri heldur en þeir megi venjast eftir gamlárskvöld.

Alls segir Jón 60 manns hafa leitað á spítalann í nótt, frá miðnætti og fram til klukkan átta í morgun. Lítið hafi þó verið um andþyngsli á þeim tíma. „Í dag hefur þetta verið töluvert mikið og við erum að sjá 20 til 25 prósent fleiri komur síðastliðinn sólarhring í heildina heldur en við gerum á meðaldegi.“

• 1 blogg um fréttina

Bloggað um fréttina

• Jóhannes Ragnarsson: Óskemmtilegur sjúkdómur - og annarr og enn verri sjúkdómur