Hafísinn heldur áfram að nálgast

„Það eru óvenjulega stöðugar veðuraðstæður sem hafa átt þátt í því að færa hafísinn svona óvenjulega nærri landi,“ segir Teitur Arason, veðurfræðingur hjá Veðurstofu Íslands, en hafísþekjan á Grænlandssundi er nú tæpar 12 sjómílur frá Horni á Vestfjörðum.

Um þessar mundir er hæð sunnan við landið og hefur staðið frá því á miðvikudag í síðustu viku. Henni fylgir stöðug suðvestanátt sem ýtir ísnum að Vestfjörðum, en á þessum slóðum eru einnig straumar í þessa sömu átt.

Lítill hafís hefur verið á svæðinu norðvestur af landinu undanfarin ár, en það eru helst veðuraðstæður sem hafa fært hann svo nálægt Íslandi.

Frétt af mbl.is

Hafísbreiður jarðar í lágmarki

Óvenjulegt er að suðvestanvindur standi svo lengi og í sömu átt og hafstraumarnir. Í vetrarlægðum er norðaustanátt algeng, sem heldur hafísnum í burtu. „Þetta er tíminn þar sem slaknar á öllum veðrakerfum og hafísinn getur breitt úr sér áður en hann bráðnar og eftir verða stakir jakar,“ segir Teitur.

Gera má ráð fyrir því að suðvestanáttin standi fram á föstudag og má því gera ráð fyrir því að hafísinn færist enn nær landi. Þá er mögulegt að siglingaleið við land gæti lokast.

Frétt af mbl.is

Varar við nálægð hafíss

• 1 blogg um fréttina

Bloggað um fréttina

• Njörður Helgason: Hætta