Fjölmiðlakonur krefjast öryggis í starfi

Konur í fjölmiðlum hafa sent frá sér yfirlýsingu vegna hegðunar Hjartar Hjartarsonar á HM í Rússlandi nú um helgina. Þær krefjast þess að yfirmenn fjölmiðla í landinu tryggi öryggi þeirra og annarra starfsmanna. „Við mótmælum því að í stéttinni starfi maður sem hefur ítrekað áreitt og beitt samstarfsfólk sitt ofbeldi.“

Fjölmiðlakonur á miðlum Stöðvar 2, Vísis og Bylgjunnar, sem eru í eigu Sýnar, skrifuðu ekki undir yfirlýsinguna en sendu frá sér sína eigin þar sem fram kemur að þær hafi fengið staðfest frá yfirmönnum sínum að málið sé í formlegu ferli og sé litið alvarlegum augum. Yfirlýsingu þeirra má lesa neðst í fréttinni.

Hjörtur var kallaður heim frá Rússlandi af atvinnurekanda sínum, Sýn, fyrir hegðun sína. Heimildir herma að hann hafi veist að Eddu Sif Pálsdóttur, íþróttafréttakonu á RÚV, á laugardagskvöld.

Honum var vikið frá störfum hjá RÚV árið 2012 vegna ofbeldis sem hann beitti Eddu Sif sem kærði hann fyrir líkamsárás. Þá var hann sendur í leyfi frá störfum sínum á Stöð 2 árið 2014 eftir að hann réðst á samstarfsmann sinn.

„Alkóhólismi er alvarlegur sjúkdómur. Hann leiðir þó ekki sjálfkrafa til ofbeldishegðunar,“ segir í yfirlýsingu fjölmiðlakvenna. Þær segja ólíðandi að maður sem ítrekað hafi brotið á samstarfsfólki sínu fái sífellt ný tækifæri í fjölmiðlastétt á þeim forsendum að hann sé hættur að drekka. „Við höfnum því að vinna við slíkar aðstæður.“

„Við krefjumst þess að tekið sé fastar á ofbeldi og áreitni á vinnustöðum okkar. Við skorum einnig á starfsmenn fjölmiðla, stéttarfélög fjölmiðlafólks og sérstaklega yfirmenn Sýnar og annarra fjölmiðla að fylgja eftir fögrum fyrirheitum #MeToo og sýna í verki að þegar ofbeldi og ógnandi hegðun er beitt „kastast ekki í kekki“ milli fólks, heldur ber ofbeldismaðurinn einn ábyrgð á sinni hegðun.“

Yfirlýsinguna í heild sinni má lesa hér að neðan, en undir hana skrifa tugir fjölmiðlakvenna.

Við undirritaðar, konur í fjölmiðlum, krefjumst þess að yfirmenn fjölmiðla í landinu tryggi öryggi okkar og annarra starfsmanna sinna á vinnustað. Við mótmælum því að í stéttinni starfi maður sem hefur ítrekað áreitt og beitt samstarfsfólk sitt ofbeldi.

Hjörtur Hjartarson, íþróttafréttamaður hjá Sýn, hefur endurtekið orðið uppvís að því að ógna og veitast að samstarfsfólki sínu. Hirti var sagt upp störfum á RÚV árið 2012, eftir að hann beitti samstarfskonu sína ofbeldi sem varð til þess að hún kærði hann fyrir líkamsárás. Hún dró kæruna til baka eftir að hann axlaði ábyrgð og baðst afsökunar. Hjörtur var einnig sendur í leyfi frá störfum sem íþróttafréttamaður á Stöð 2 eftir að hann réðst á samstarfsmann sinn þar árið 2014. Á dögunum var Hjörtur svo sendur heim eftir að hafa veist á ný að fyrrverandi samstarfskonu sinni á RÚV þar sem hún var við störf á HM í knattspyrnu í Rússlandi.

Alkóhólismi er alvarlegur sjúkdómur. Hann leiðir þó ekki sjálfkrafa til ofbeldishegðunar. Við, konur í fjölmiðlum, teljum ólíðandi að maður sem ítrekað hefur brotið á samstarfsfólki sínu fái sífellt ný tækifæri í fjölmiðlastétt á þeim forsendum hann sé hættur að drekka. Við höfnum því að vinna við slíkar aðstæður.

Við krefjumst þess að tekið sé fastar á ofbeldi og áreitni á vinnustöðum okkar. Við skorum einnig á starfsmenn fjölmiðla, stéttarfélög fjölmiðlafólks og sérstaklega yfirmenn Sýnar og annarra fjölmiðla að fylgja eftir fögrum fyrirheitum #MeToo og sýna í verki að þegar ofbeldi og ógnandi hegðun er beitt „kastast ekki í kekki“ milli fólks, heldur ber ofbeldismaðurinn einn ábyrgð á sinni hegðun.

 

Sigríður Hagalín Björnsdóttir, RÚV

Sunna Valgerðardóttir, RÚV

Ingibjörg Rósa Björnsdóttir, sjálfstætt starfandi blaðakona

Kristjana Arnarsdóttir, íþróttafréttakona á RÚV

Þórhildur Þorkelsdóttir, RÚV

Bára Huld Beck, Kjarninn

Alma Ómarsdóttir, RÚV

Ólöf Ragnarsdóttir, RÚV

Margrét Erla Maack, Kjarninn, áður RÚV og 365.

María Lilja Þrastardóttir, sjálfstætt starfandi blaðakona

María Björk Guðmundsdóttir, RÚV

Þórgunnur Oddsdóttir, RÚV

Auður Ösp Guðmundsdóttir, DV

Lovísa Árnadóttir, fv. íþróttafréttakona á RÚV

Milla Ósk Magnúsdóttir, RÚV

Eva Björk Ægisdóttir, sjálfstætt starfandi ljósmyndari

Ásdís Ólafsdóttir, fv. dagskrárgerðarmaður á RÚV

Ragnheiður Thorsteinsson, RÚV

Rannveig Jónína Guðmundsdóttir, Víkurfréttir

Lilja Katrín Gunnarsdóttir, Mannlíf og sjálfstætt starfandi

Viktoría Hermannsdóttir, RÚV

Gunnþórunnn Jónsdóttir, Fréttablaðinu

Snærós Sindradóttir, RÚV

Júlía Margrét Alexandersdóttir, Morgunblaðinu

Lára Ómarsdóttir, RÚV

Olga Björt Þórðardóttir, ritstjóri Fjarðarpóstsins

Ragnhildur Thorlacius, RÚV

Erla María Markúsdóttir, mbl.is

Anna Margrét Gunnarsdóttir, fv. blaðamaður á Nýju Lífi, Birtíngi

Sigríður Pétursdóttir, lausapenni hjá RÚV og fleiri fjölmiðlum

Ragnhildur Ásvaldsdóttir, sjálfstætt starfandi við dagskrárgerð

Vera Illugadóttir, RÚV

Aníta Estíva Harðardóttir, DV

Ragnhildur Aðalsteinsdóttir, Mannlífi

Kristborg Bóel, Austurglugganum og Austurfrétt

Ingibjörg Dögg Kjartansdóttir, ritstjóri Stundarinnar

Sara Sjöfn Grettisdóttir, ritstjóri Eyjafrétta

Anna Marsibil Clausen, sjálfstætt starfandi

Anna Margrét Björnsson, mbl.is

Ragna Gestsdóttir, DV

Þorgerður Anna Gunnarsdóttir, mbl.is

Erla Hjördís Gunnarsdóttir, Bændablaðið

Erla Karlsdóttir, fv. blaðakona á DV

Brynhildur Björnsdóttir

Þórhildur Ólafsdóttir, RÚV

Þorgerður E. Sigurðardóttir, RÚV

Silja Ástþórsdóttir, fyrrverandi umbrotskona á Stundinni og fv. yfirhönnuður Fréttablaðsins

Birna Pétursdóttir

Anna Gyða Sigurgísladóttir, RÚV

Halla Þórlaug Óskarsdóttir, RÚV

Anna Lilja Þórisdóttir, Morgunblaðið

Lára Theódóra Kristjánsdóttir

Fanney Birna Jónsdóttir, Kjarninn og RÚV

Jóhanna Sveinsdóttir

Sigríður Elín Ásmundsdóttir

Áslaug Guðrúnardóttir, fyrrverandi fréttamaður RÚV

Anna Margrét Björnsson, mbl.is

Dagný Hulda Erlendsdóttir, RÚV

Kolbrún Björnsdóttir

Björg Magnúsdóttir, RÚV

Sigyn Blöndal, RÚV

Áslaug Karen Jóhannsdóttir

Ellen Karólínudóttir

Ásdís Ásgeirsdóttir

Lovísa Arnardóttir, Fréttablaðinu

Kristborg Bóel, Austurglugganum og Austurfrétt

Lára Hanna Einarsdóttir, sjálfstætt starfandi

Ástríður Viðarsdóttir, fv. blaðamaður mbl.is

Þóra Tómasdóttir

Steinunn Stefánsdóttir, fv. aðstoðarritstjóri á Fréttablaðinu

Erla Tryggvadóttir, fv. starfsmaður RÚV

María Erla Kjartansdóttir, Birtíngi

Kolbrún Björnsdóttir

Inga Lind Vigfúsdóttir, RÚV

Auður Albertsdóttir, fyrrv. blaðakona mbl.is

Gyða Lóa Ólafsdóttir, fyrrverandi blaðakona Fréttablaðinu

Yfirlýsing fjölmiðlakvenna á fréttastofu Stöðvar 2, Vísis og Bylgjunnar:

Við fordæmum hegðun Hjartar á heimsmeistaramótinu. Allir eiga að geta sinnt starfi sínu óáreittir, hvort sem það er í vinnuferð eða á vinnustað og að sjálfsögðu er annað óásættanlegt.

Við höfum fengið staðfest frá yfirmönnum okkar að málið er í formlegu ferli og litið alvarlegum augum. Við viljum að málið sé afgreitt og niðurstaða fáist áður en við tjáum okkur opinberlega. Þess vegna munum við ekki skrifa undir opinbera yfirlýsingu að svo stöddu.