Eyþór vill ummælin til forsætisnefndar

Eyþór Arnalds, borgarfulltrúi Sjálfstæðisflokksins, segir rangt að borgarfulltrúar hafi fengið áminningu frá siðanefnd Sambands sveitarfélaga og hefur óskað eftir því að ummæli æðstu embættismanna borgarinnar um kjörna fulltrúa í lokuðum Facebook-hópi borgarstarfsmanna verði tekin til skoðunar hjá forsætisnefnd.

Frétt af mbl.is

Segir hegðun borgarfulltrúa fordæmalausa

Stefán Eiríksson borgarritari skrifaði pist­il í lokaðan hóp starfs­manna Reykja­vík­ur á Face­book í dag þar sem hann seg­ir fá­eina borg­ar­full­trúa ít­rekað hafa vænt starfs­fólk borg­ar­inn­ar um óheiðarleika og vegið að starfsheiðri þess.

„Ég furða mig á því að þarna sé því haldið fram að einhverjir borgarfulltrúar hafi fengið áminningu eða aðfinnslu frá siðanefnd Sambands sveitarfélaga, sem er rangt,“ segir Eyþór í samtali við mbl.is.

Þá sé mjög ómaklegt að borgarritari leggi alla borgarfulltrúa undir grun með því að gefa í skyn að ótilgreindir fulltrúar hafi verið að veitast að starfsfólki borgarinnar „eins og tuddar á skólalóð, eins og það var orðað.“

Frétt af mbl.is

Ekki „verkstjóri eða siðameistari“

• Blogga um frétt