Ekki annað hægt en að fyllast lotningu

„Ísbjörninn er tignarlegur og ekki annað hægt en að fyllast lotningu fyrir þessari harðgerðu skepnu.“

Þetta segir Ragnar Axelsson ljósmyndari í grein í blaðauka um norðurslóðir, Björgum heiminum, sem fylgja mun Morgunblaðinu á morgun. Ragnar kom auga á ísbjörninn á lítilli eyju í Scoresbysundi í september síðastliðnum.

Þetta er í sjöunda sinn sem Morgunblaðið gefur út blaðauka á íslensku og ensku um téð svæði í tengslum við ráðstefnuna Hringborð norðurslóða – Arctic Circle, sem hefst í Hörpu í dag og stendur til sunnudags.