Sameining á Austurlandi samþykkt

Öll fjögur sveitarfélögin á Austurlandi samþykktu að sameinast í kosningum í dag. Þetta eru Borgarfjarðarhreppur, Djúpavogshreppur, Seyðisfjarðarkaupstaður og Fljótsdalshérað. Þetta kemur fram í frétt Austurfrétta. 

Í Borgarfjarðarhreppi vildu 65,7% íbúa sameinast en 25% voru andvígir en 10,3% skiluðu auðu eða ógildum seðlum. Svipað margir vildu sameiningu í Djúpavogi eða 63,7% en 35,5% lögðust gegn því en auður og ógildir voru tveir seðlar. 

Seyðfirðingar voru áfram um sameininguna og vildu rúmlega 86% kjósenda gera slíkt. Hins vegar voru 12,5% andvígir og auðir seðlar og ógildir voru 0,08%. 

Af öllum sveitarfélögunum vildi flestir íbúar í Fljótsdalshéraði sameinast en þar sögðu 92,9% já við sameiningunni en 6% voru andvígir. Hins vegar var þar minnsta þátttakan í kosningum eða 52,6%. Í flestum öðrum var hún yfir 64%. 

Sameiningin tekur formlega gildi að loknum kosningum til sveitastjórnar næsta vor.  

Frétt af mbl.is

„Kæmi mér á óvart ef þetta yrði fellt“

• 2 blogg um fréttina

Bloggað um fréttina

• Geir Ágústsson: Styttist í fyrstu sundrungu sveitarfélags
• Benedikt V. Warén: Til hamingju Austurland.