Fólki í sóttkví hefur fjölgað síðustu daga og er nú 379, þar af eru um 300 sökum smits sem greindist nýlega á höfuðborgarsvæðinu. Níu af þeim sem eru í sóttkví nú eru búsettir eða dvelja á Austurlandi.

Fram kemur í tilkynningu frá aðgerðastjórn lögreglunnar á Austurlandi að allir níu hafi farið í sýnatöku og ættu niðurstöður um smit að liggja fyrir síðar í dag. Frá því að kórónuveirufaraldurinn braust út á Íslandi í lok febrúar hafa aðeins átta smit greinst á Austurlandi og 39 þurft að fara í sóttkví. 

Aðgerðastjórnin lítur á þessa stöðu sem alvarlega samfélagslega áminningu um að faraldurinn sé ekki horfinn og „að brýnt sé að við öll saman herðum tökin í baráttunni við COVID-19“.

Því minnir aðgerðastjórnin einstaklinga, veitinga- og gistihúsaeigendur, félagasamtök, íþróttafélög, fyrirtæki, þjónustuaðila og aðra á að líta í eigin barm og meta hvort hjá viðkomandi sé enn rétt staðið að sóttvörnum. Í því sambandi má nefna:

– held ég mig heima ef ég er með einkennin umtöluðu?

– veiti ég mér og öðrum rými til að virða 2 m regluna?

– nota ég handþvott og spritt af árvekni?

– eru sprittbrúsar til taks og á þá fyllt?

– er strokið af sameiginlegum snertiflötum?

– stend ég fyrir samkomuhaldi, þ.á m. íþróttaviðburðum, sem hugsanlega væri rétt að aflýsa?

Tengdar fréttir

Kórónuveiran Covid-19

Helga svarar Kára

• Kári segir Helgu fara með rangt mál
• Heimsfaraldurinn var æfing í seiglu
• Engar aukaverkanir eftir 217 bólusetningar
• „Við þurfum að vera tilbúin“

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Ísland var smitlaust.