„Stjórnvöld segja nei takk“
Setja bókamerki
Hanna Katrín Friðriksson þingflokksformaður Viðreisnar kallaði í dag eftir þingmönnum sem kenna sig við frjálshyggju og valfrelsi í ræðu sinni um störf þingsins.
Tilefnið er umræða um sjálfstætt starfandi heilbrigðisstofnanir sem boðið hafa fram þjónustu sína við styttingu biðlista á aðgerðum. Hanna Katrín skoraði á þingmenn að beita sér fyrir því að mál um slíkt komi til afgreiðslu þingsins svo raunverulega sé hægt að sjá hverjir styðji einkaframtakið í heilbrigðisþjónustu.
„Á sama tíma og um 100 einstaklingar sitja fastir á Landspítala standa sjálfstætt starfsandi heilbrigðisstofnanir á hliðarlínunni. Til aðstoðar reiðubúnar. Stjórnvöld segja nei takk,“ sagði Hanna Katrín í ræðu sinni.
„Á sama tíma og biðlistar eftir hinum ýmsu aðgerðum sem hefta lífsgæði fólks og atvinnugetu lengjast fram úr hófi, standa sjálfstætt starfandi læknastofur á hliðarlínunni. Reiðubúnar til aðstoðar. Stjórnvöld segja nei takk.“
Ekki vilji á Alþingi
Hún vék síðan að því að of afhjúpandi væri fyrir stjórnvöld að segja beinlínis nei takk og ábyrgðinni því varpað á Alþingi. Þannig gætu þingmenn í stjórnarmeirihluta sem kenna til við valfrelsi falið sig á bak við það að ekki væri vilji fyrir breytingum í átt að valfrelsi á Alþingi.
„Það er bara ekki vilji fyrir því á Alþingi að þiggja þessar útréttu hjálparhendur segja þessir stjórnarþingmenn.
Og þar með eru þeir bara einhvern veginn stikkfrí – þessir meintu þingmenn frelsisins.
Ég skora á þingmenn sem kveinka sér undan ætluðum vilja þingsins hér – að beita sér fyrir því að málin komi hingað inn til afgreiðslu.“
Halla Hrund tekur forystu í könnun
Ók á ofsahraða á móti umferð og uppi á stétt
Fjallabak, Sprengisandur og niður í Eyjafjörð
Gosopið gæti stækkað á ný: „Eitthvað í aðsigi“
Forsetinn líti yfir axlirnar á þingheimi
Fimm dauðir hvolpar fundust í poka