Þórólfur verði „vondi kallinn“ í stað Willums
Setja bókamerki
Gunnar Smári Egilsson, formaður Sósíalistaflokks Íslands, heldur því fram að heilbrigðisráðuneytið hafi lekið nýjasta minnisblaði Þórólfs Guðnasonar sóttvarnalæknis.
Á facebooksíðu sinni segir Gunnar Smári líklegt að aðstoðarmaður ráðherra hafi verið þar að verki í þeim tilgangi að gera Þórólf að „vonda kallinum“ í stað Willums Þórs Þórssonar heilbrigðisráðherra.
Gunnar Smári segir þetta þekkta aðferð til að færa til ábyrgð og brjóta upp slæmar fréttir, en færsla hans birtist í gærkvöldi.
Minnisblað Þórólfs verður rætt á ríkisstjórnarfundi í dag.
„Án leka hefði Willum mætt á morgun og tilkynnt um 30 manna fjöldatakmarkanir og 300 manna hólf skilgreind á fjöldasamkomum og verið vondi kallinn. Með leka mun Willum koma fram á morgun og tilkynna að hann hafi ákveðið að setja á mildari takmarkanir en Þórólfur lagði til; 30 manna fjöldatakmarkanir og 300 manna hólf skilgreind á fjöldasamkomum. Þá er Þórólfur vondi kallinn en Willum sá mildi,“ skrifar Gunnar Smári.
Arðsemin dregst saman
Samþykkir ekki vopnahléstillögu
Hundrað prósent vampíra
„Fólk þolir óvissu í ákveðinn tíma“
Hefur ekki upplýsingar um ráðningu Karenar
Móðirin sögð hafa játað að verða syni sínum að bana
Alltaf að baksa í moldinni