Bárurnar komnar í land
Ari Páll Karlsson
Setja bókamerki
Sjósundshópurinn Bárurnar eru komnar í land eftir tæplega 16 tíma boðsund yfir Ermasundið en þær voru í beinu streymi á Facebook-síðu sinni rétt í þessu.
Mikill öldugangur virðist hafa verið síðasta spölinn við Frakklandsstrendur, eins og við mátti búast, en mbl.is ræddi við Guðmundu Elíasdóttur fyrr í dag sem sagði þær vera í kappi við tímann vegna veðurfarsins á lokametrunum.
Beint streymi frá lokametrunum birtist á facebooksíðu Báranna við lokasprettinn:
Ætlar aldrei að synda í sjó aftur
Nú er þó ljóst að þeim tókst ætlunarverkið sitt og komust í land. Annað eins myndskeið mátti sjá fyrir um klukkustund.
„Ég ætla aldrei að synda í sjó aftur á ævinni. Ég ætla að henda öllum sundbolunum mínum,“ grínast Sigríður Lárusdóttir í myndskeiðinu, en hún var þá tiltölulega nýkomin um borð á skipið eftir að hafa synt tæpa fimm kílómetra á einum klukkustund.
Fréttin var uppfærð þegar Bárurnar náðu landi.
Sjósundhópurinn Bárurnar samanstendur af þeim Guðmundu Elíasdóttur, Elsu Valsdóttur, Sigríði Lárusdóttur, Hörpu Leifsdóttur, Jórunni Atladóttur og Bjarnþóru Egilsdóttur.
„Ég er nánast uppgefin eftir þessa kosningabaráttu“
Bjarni ræddi við Selenskí: Úkraína þarf „tæki og tól“
Segir dómgreindarleysi safnsins hafa ráðið för
Færa sig af neyðarstigi á hættustig
Gæti valdið uppskerubresti
Gagnrýnin ekki óeðlileg
Stakk mann eftir kossaflens og fær fimm ára dóm