„Flestar þessara aðgerða standast skoðun“
Setja bókamerki
Engin spurning er að bólusetningar björguðu tugum ef ekki hundruðum milljóna mannslífa í Covid-19 heimsfaraldrinum. Aukaverkanir af bólusetningunni voru sannarlega til staðar en ekki meiri en búast mátti.
Þetta segir Kári Stefánsson, forstjóri Íslenskrar erfðagreiningar, í yfirlýsingu sem hann gaf frá sér fyrr í dag. Þar tekur hann fram að misskilnings hafi orðið vart í umræðunni eftir viðtal við hann í hlaðvarpinu Skoðanabræðrum þar sem heimsfaraldurinn var ræddur.
Í hlaðvarpinu velti Kári því m.a. upp hvort það hefði verið bertra að sleppa yngra fólki við bólusetningu vegna þess að áhættumat hjá þeim gæti hafa verið annað en hja þeim eldri, þar sem yngra fólkið virtist sleppa betur frá sýkingunni.
„Ég benti þó á í því sambandi á að til að byrja með var vonast til þess að bólusetning kæmi ekki bara í veg fyrir sjúkdóm heldur líka smit sem fólk gæti borið áfram án þess að veikjast. Bóluefnið reyndist þó ekki koma alveg í veg fyrir smit en dró mikið úr því. Það varð þó einnig að skoða þetta með hliðsjón af hegðunarmynstri ungs fólks sem var líklegra til að umgangast fleiri og bera veiruna hraðar á milli. Það voru því einfaldlega ekki forsendur fyrir hendi til þess að taka ákvörðun um að bólusetja ekki yngra fólkið,“ segir jafnframt í yfirlýsingunni.
Alltaf verið þeirrar skoðunar
Kári áréttar að hann hafi alltaf verið þeirrar skoðunar að þær aðgerðir sem stjórnvöld gripu til í faraldrinum hafi verið rökréttar miðað við þær forsendur sem lágu fyrir.
Ríkisstjórnin bar ábyrgð á sóttvarnaraðgerðum í faraldrinum, hún fór nær algerlega að ráðum sóttvarnaryfirvalda sem sóttu sér ráð víða í samfélaginu, meðal annars til mín og fólksins í Íslenskri erfðagreiningu.“
/frimg/1/35/4/1350480.jpg)
Gætu verið betri
Þá tekur hann fram að engin spurning sé að bólusetningar björguðu tugum ef ekki hundruðum milljóna mannslífa.
„Bóluefnin sem voru notuð eru býsna góð en gætu verið betri og eftir því sem veiran stökkbreyttist varð áhrifamáttur þeirra minni. Þegar lyf og bóluefni eru gefin er verið að fikta í líffræði mannsins.Öllum lyfjum og öllum bóluefnum fylgir hætta á aukaverkunum. Þau bóluefni sem voru mest notuð voru tvenns konar,RNA bóluefni og eitt annars konar. Það voru ívið meiri aukaverkanir af gamaldags bóluefninu en þeim sem byggðu áRNA.
Kári segir aukaverkanir af bólusetningunni sannarlega vera til staðar en ekki meiri en búast mátti.
„Þess vegna er aldrei veitt leyfi fyrir þessum efnum fyrr en búið er að sýna fram á að hættan af því að nota þau sé minni en hættan af því að gera það ekki. Það var svo sannarlega gert við bóluefnin í þessum faraldri,“ bætir hann við.
Yfirlýsinguna má lesa í heild á Facebook-síðu Íslenskrar erfðagreiningar:
Telur forsendur fyrir vaxtalækkun
Mál hjúkrunarfræðingsins fer aftur fyrir héraðsdóm
Hvorki sést áður hér á landi né annars staðar
Skaut sex sinnum að feðginum á aðfangadagskvöld
Forsetinn líti yfir axlirnar á þingheimi
Væri að ljúga ef ég segðist ekki stressaður
Þyngri refsing fyrir að nauðga stjúpdóttur æskuvinar