Enn beðið eftir krufningarskýrslu í Selfossmálinu
Setja bókamerki
Rannsókn lögreglunnar á Suðurlandi, á andláti konu sem fannst látin í apríl á þessu ári, er langt á veg komin en þó ekki lokið.
Sveinn Kristján Rúnarsson yfirlögregluþjónn segir embættið enn bíða eftir endanlegri krufningarskýrslu en á meðan sé unnið úr þeim gögnum sem liggja fyrir.
Í gæsluvarðhaldi í 18 vikur
Kona á þrítugsaldri fannst látin í heimahúsi á Selfossi 27. apríl. Bráðabirgðakrufning á konunni benti til þess að um manndráp væri að ræða.
Tveir menn voru handteknir í kjölfar þess að konan fannst og var öðrum þeirra sleppt úr haldi skömmu síðar. Hinn sat í gæsluvarðhaldi fram í ágúst, alls í 18 vikur. Hann er nú laus úr haldi en hefur verið úrskurðaður í farbann.
Þess ber að geta að lög um meðferð sakamála kveða á um að ekki megi úrskurða sakborning til að sæta gæsluvarðhaldi lengur en tólf vikur nema brýnir rannsóknarhagsmunir krefjist þess.
Aðspurður segir Sveinn Kristján allan gang vera á því hvað taki langan tíma fyrir endanlega krufningarskýrslu að skila sér. Það fari eftir eðli málsins og hvenær niðurstöður úr rannsóknum erlendis frá skili sér.
Hörð átök á milli nemenda og táragasi beitt
„Síðustu leifar náttúrulegs lífs á Íslandi“
Hvað verður um plastið?
Brotum fjölgar og lögregla oftar vopnuð
Landrisið gæti hafa stöðvast og gosið virðist eflast
Skimað fyrir kíghósta meðal leikara
Ríkisfjármálin ósjálfbær þó staðan sé góð
Mun ekki framselja vald sitt til Felix