Heildarhættumat fyrir Grindavík hefur verið fært niður í appelsínugult, sem þýðir að töluverð hætta sé í bænum. Veðurstofa Ísland gaf út uppfært hættumat í dag og er þetta meðal helstu breytinga. 

Í tilkynningu frá Veðurstofu er þó tekið fram að þó heildarhættumat fyrir Grindavík hafi verið fært niður um eitt stig, er hætta í tengslum við sprungur áfram metin mjög mikil. 

„Það er hættan sem nú er kölluð „jarðfall ofan í sprungu“ og lýsir hættu sem gæti verið til staðar þar sem sprungur leynast undir ótraustu yfirborði sem gæti gefið sig,“ segir í tilkynningunni.

Ný GPS-gögn sýna að mjög lítil hreyfing hefur mælst innan Grindavíkur síðustu daga og þýðir það að hættumat í tengslum við sprunguhreyfingar innan hefur verið lækkað. 

Hætta vegna sprunguhreyfinga er nú metin töluverð.

Kort/Veðurstofa Íslands

Tengdar fréttir

Eldvirkni á Reykjanesskaga

Líklegt að það dragi til tíðinda í þessari viku

• Gæti færst meiri kraftur í eldgosið
• Gosopið gæti stækkað á ný: „Eitthvað í aðsigi“
• Virknin færist í aukana innan 48 tíma
• Sennilega gróðureldur, ekki ný sprunga

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Alltaf jafn loðið hjá Veðurstofunni