Íbúar í Grindavík standa nú fyrir undirskriftasöfnun á island.is í þeim tilgangi að fá bæjarstjórn Grindavíkur til að halda íbúafund. 

Mörg mál brenna á Grindvíkingum um þessar mundir og margir þeirra vilja komast í návígi við sína kjörnu fulltrúa í bæjarstjórninni. 

„Íbúar Grindavíkur óska eftir því að bæjarstjórn Grindavíkur boði til borgarafundar þar sem mikilvægt er að bæjarstjórn eigi í milliliðalausu samtali við íbúa bæjarins um það ástand sem íbúar Grindavíkur eru nú að ganga í gegnum,“ segir í lýsingu undirskriftasöfnunarinnar.

„Ríkisstjórnin hefur ítrekað sagt að öll úrræði fyrir íbúa verði unnin í samráði við Grindavíkurbæ og íbúa Grindavíkur. Bæjarstjórn á að endurspegla vilja íbúa og því er nauðsynlegt að þetta samtal geti átt sér stað strax meðan tillögur ríkisstjórnarinnar eru enn í vinnslu. Á dagskrá borgarafundar verði a.m.k. umræður um tillögur ríkisstjórnar um uppkaup á íbúðarhúsnæði í Grindavík og vilja íbúa í þeim efnum.“

Þrettán eru skrifaðir fyrir undirskriftarsöfnuninni sem hófst í dag. Á þriðja hundrað hafa þegar skrifað undir.

Tengdar fréttir

Eldvirkni á Reykjanesskaga

„Við getum ekki unnið hér“

• Fluttu 27 lömb úr Grindavík
• Myndskeið: Eldgosið frá ýmsum sjónarhornum
• Ný 360 gráða yfirlitsmynd sýnir umfangið
• Engin ástæða til að hafa áhyggjur af fénu

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Málefni allrar þjóðarinnar. "Ég er Grindvíkingur."