Segja ákvörðun Bjarna gerræðislega
Setja bókamerki
Félagið Ísland-Palestína fordæmir ákvörðun Bjarna Benediktssonar utanríkisráðherra um að frysta greiðslur til Palestínuflóttamannahjálpar Sameinuðu þjóðanna, UNRWA.
Í yfirlýsingu frá samtökunum segir að ákvörðunin hafi gerræðisleg og tekin áður en rannsókn á ásökunum Ísraels á hendur starfsmönnum UNRWA hafi skilað niðurstöðu.
„Palestínuflóttamannaaðstoð SÞ gegnir lykilhlutverki í neyðaraðstoð við Gazabúa sem eru í lífshættu sökum skorts á mat, vatni, lyfjum og eldsneyti vegna hernaðar Ísraels.
Með þessari aðgerð tekur íslenska ríkisstjórnin þátt í ólöglegri hóprefsingu eins og lýst er í Genfarsáttmálanum: „Með hugtakinu er ekki aðeins átt við refsingar, heldur einnig annars konar viðurlög, áreiti eða stjórnsýsluaðgerðir sem gripið er til gegn hópi í hefndarskyni fyrir verknað einstaklings eða einstaklinga sem teljast til hópsins“, “segir í tilkynningunni.
Bent er á að úrskurð Alþjóðadómstólsins í Haag um að mögulega sé þjóðarmorð í uppsiglingu á Gasasvæðinu, bæði vegna stöðugra sprengjuárása og vegna skorts á lífsnauðsynjum.
„Aðgerð utanríkisráðherra er því í andstöðu við úrskurð dómstólsins og eykur enn frekar á áþján Gazabúa. Íslensk stjórnvöld verða að aflétta þessari aðgerð utanríkisráðherra strax. Neyðaraðstoð verður að berast til Gaza strax!” segir enn fremur í tilkynningunni.
Vonast til að tjaldbúðir við HÍ standi áfram
Strand skemmtiferðaskips kallar á erlenda aðstoð
Forsetinn líti yfir axlirnar á þingheimi
Breytingar á skipulagi fréttadeildar RÚV
Skaut sex sinnum að feðginum á aðfangadagskvöld
Kaldasti veturinn kom að óvörum
Mál hjúkrunarfræðingsins fer aftur fyrir héraðsdóm