Hryðjuverkamálinu áfrýjað til Landsréttar
Setja bókamerki
Ríkissaksóknari hefur áfrýjað dómi Héraðsdóms Reykjavíkur í hryðjuverkamálinu svokallaða til Landsréttar. Þetta staðfestir Sigríður Friðjónsdóttir ríkissaksóknari í svari við fyrirspurn mbl.is. Áfrýjað er til sakfellingar fyrir tilraun til hryðjuverka og hlutdeild í þeirri tilraun, en þeir Sindri Snær Birgisson og Ísidór Nathansson voru sýknaðir í héraði af þeim hluta málsins.
Þá krefst ríkissaksóknari einnig staðfestingar á sakfellingu í þeim hluta málsins sem snýr að vopnalagabroti, auk þess að fara fram á refsiþyngingu.
Sindri Snær var í héraði dæmdur í tveggja ára fangelsi. Ísidór hlaut átján mánaða dóm. Voru þeir dæmdir fyrir brot gegn vopnalagagjöf, en sýknaðir af tilraun til hryðjuverka og hlutdeild í tilraun til hryðjuverka.
Einnig voru gerð upptæk ýmis tæki, vopn og annar búnaður sem var í fórum mannanna.
Verjendur mannanna sögðu eftir dómsuppkvaðningu í héraði að dómurinn væri mikill léttir en sá sama tíma áfellsidómur yfir vinnubrögðum lögreglu og ákæruvalds.
„Eigum eftir að sjá miklar sviptingar“
Umdeild einkennismerki lögreglunnar
Hjólandi fjölgar hægt en örugglega
Verið að búa til „óánægju og kergju“
Gæti færst meiri kraftur í eldgosið
Vísa mótmælanemendum úr skólanum
Atvinnuhúsnæði ekki keypt upp í Grindavík
„Finn fyrir miklum meðbyr“