Karlmaður var handtekinn í hverfi 201 í Kópavogi vegna gruns um rán. Hann var vistaður í fangageymslu.
Tilkynnt var um sinueld í hverfi 203 í Kópavogi og slökkti slökkviliðið eldinn, að því er segir í dagbók lögreglunnar á höfuðborgarsvæðinu vegna verkefna frá klukkan 17 í gærkvöldi til kl. 5 í morgun.
Fjórir ökumenn voru stöðvaðir fyrir of hraðan akstur í umdæmi lögreglunnar í Kópavogi og Breiðholti.
Þrír ökumenn til viðbótar voru stöðvaðir á höfuðborgarsvæðinu grunaðir um akstur undir áhrifum fíkniefna eða áfengis.
Tilkynnt var um umferðarslys í Árbænum. Einn var fluttur á slysadeild með sjúkrabíl til frekari skoðunar.