Samkvæmt nýrri skoðanakönnum Prósents eru 78% kjósenda óánægðir með að Bjarni Benediktsson hafi tekið við starfi forsætisráherra.
13% kjósenda segjast vera ánægðir með að Bjarni hafi tekið við embættinu af Katrínu Jakobsdóttur en 8% er hvorki ánægðir né óánægðir.
Þó nokkur munur er á afstöðu fólks eftir aldri. Hjá yngsta aldurshópnum er 8% ánægð með að Bjarni sé kominn í forsætisráðherrastólinn en hjá þeim sem hafa náð 65 ára aldrei eru 23% ánægð með breytinguna.
Þá kemur einnig fram í könnuninni að 73% líst illa á breytingarnar í ríkisstjórnarsamstarfinu.
Prósent framkvæmdi könnunina dagana 9.-14. apríl. Þátttakendir voru þar spurðir tveggja spurninga um breytingar á ríkisstjórnarsamstarfinu. Úrtakið var 2.300 einstaklingar 18 ára og eldri og var svarhlutfallið 51,22%.
Fyrri spurningin var:
Hversu vel eða illa líst þér á breytingarnar á ríkisstjórnarsamstarfi?
Síðari spurningin var:
Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra?