Arnþrúður svarar Ingu Björk
Setja bókamerki
Arnþrúður Karlsdóttir, útvarpsstjóri á Útvarpi Sögu, segir ásakanir Ingu Bjarkar Margrétar Bjarnadóttur, varaþingmanns Samfylkingarinnar, vera alfarið rangar.
Inga Björk sagði af sér varaþingmennsku fyrir Samfylkinguna og öðrum trúnaðarstörfum fyrir flokkinn, og greindi frá því á Facebook í dag. Samfylkingin hafði sofnað á verðinum í veigamiklum mannréttindamálum, að mati Ingu Bjarkar.
Inga Björk sagði frá því að Arnþrúði hafi verið boðið að tala á fundi á vegum flokksins. Sagði hún Arnþrúði básúna hatursorðræðu gegn hinsegin fólki og innflytjendum.
„Það er vont að þurfa að útskýra að það að leyfa útvarpskonu sem hefur verið dæmd fyrir hatursorðræðu, að láta gamminn geysa, hefur áhrif á líf mitt, fjölskyldu minnar og alls annars hinsegin fólks,“ sagði Inga Björk.
Réttlætir eigin óánægju með ósannindum
Arnþrúður segir í samtali við mbl.is það vera alfarið rangt að hún hafi verið dæmd fyrir hatursorðræðu. Útvarp Saga hafi heldur aldrei verið dæmd fyrir slíkt.
„Það er illa fyrir fólki komið þegar það þarf að réttlæta eigin óánægju með því að grípa til ósanninda. Það getur varla talist glæpur að Samfylkingin hafi beðið mig að tala á ráðstefnu ásamt fleiri blaðamönnum,“ segir Arnþrúður.
/frimg/9/24/924847.jpg)
Pétur ákærður fyrir hatursorðræðu
Í nóvember 2016 ákærði lögreglan á höfuðborgarsvæðinu Pétur Gunnlaugsson, lögmann og útvarpsmann á Útvarpi Sögu, fyrir hatursorðræðu og útbreiðslu haturs með því að hafa í samræðum við hlustendur stöðvarinnar látið ummæli falla sem voru hatursfull í garð samkynhneigðra.
Máli ákæruvaldsins gegn Pétri var vísað frá Héraðsdómi Reykjavíkur í janúar 2017.
Tveir milljarðar tapast vegna vatnsskorts
Um 5.000 milljarðar í enduruppbyggingu
Fólk í kosningateymi Höllu fékk milljónir frá OS
Framboð Viktors metið gilt
90% samþykktu verkfallsaðgerðir
Átta létust og 229 slösuðust alvarlega
Stofna framkvæmdanefnd um málefni Grindavíkur
