Forsetahjónin, Guðni Th. Jóhannesson og Eliza Reid, tóku á móti fólki sem hefur fengið íslenskan ríkisborgararétt á þessu ári, á Bessastöðum í dag.
Hjónin óskuðu samlöndum sínum til hamingju með nýja ríkisfangið. Guðni minnti á mikilvægi þess að heilbrigð ættjarðarást og skilgreining á íslensku þjóðerni snúist um víðsýni og umburðarlyndi, fjölbreytni og frelsi, samstöðu, samúð og samkennd, að því er segir í tilkynningu.
Elisa Reid tók í sama streng og vék einnig að þeirri áskorun að læra íslenska tungu.