Geir óttast sundrung og misklíð
Eftir Þóru Kristínu Ásgeirsdóttur MBL sjónvarpi. tka@mbl.isÁstandið í efnahagsmálum er ekki jafn slæmt og margir andstæðingar okkar vilja vera að láta, sagði Geir H. Haarde á fundi Sjálfstæðismanna í dag. Hann óttast sundrung og misklíð í nýrri ríkisstjórn og að horfið verði út af þeirri efnahagsstefnu sem mörkuð var í tíð síðustu ríkisstjórnar.
Hann segir nýlegar tölur um viðskiptajöfnuð vera afar jákvæðar, verðbólgan sé á niðurleið og Seðlabankinn sé kominn á það skoðun að það beri að lækka stýrivexti. Tíu prósenta samdráttur eins og útlit er fyrir á þessu ári þýðir einungis að við verðum á sama stað og árið 2006.
Hann óttast sundrung og misklíð í nýrri ríkisstjórn og að horfið verði út af þeirri efnahagsstefnu sem mörkuð var í tíð síðustu ríkisstjórnar.
Varðandi Seðlabankann segir Geir að Samfylkingin stjórnist af hatri á einum manni þegar komi að breytingum þar. Hann segist ekki vilja gefa sér það fyrirfram að einstaklingar í bankanum eða Fjármálaeftirltinu hafi ekki staðið sig. Það eigi eflaust margt athyglisvert eftir að koma fram þegar rannsóknarskýrslan um bankahrunið líti dagsins ljós.
Sjá MBL sjónvarp.
