Árni kominn í annað sætið

Árni Johnsen, alþingismaður er kominn í annað sætið í prófkjöri Sjálfstæðisflokksins á Suðurlandi þegar talin hafa verið 3.200 atkvæði af um það bil 4.000. Árni var í 4. sæti eftir að fyrstu tölur voru birtar. Ragnheiður Elín Árnadóttir, alþingismaður heldur enn efsta sætinu en Unnur Brá Konráðsdóttir, sveitarstjóri er fallin í 3. sætið.

Íris Róbertsdóttir kennari er komin í það 4. og Kjartan Ólafsson alþingismaður er fallin niður í 5. sætið. Hörð barátta er um 6. sætið en Björk Guðjónsdóttir alþingismaður og Grímur Gíslason eru hnífjöfn þegar talin hafa verið 3.200 atkvæði.

Staða efstu manna:

• Ragnheiður Elín Árnadóttir 1.600 atkvæði í 1. sæti
• Árni Johnsen  1.198 atkvæði í 1.-2. sæti
• Unnur Brá Konráðsdóttir 1.418 atkvæði í 1.-3. sæti
• Íris Róbertsdóttir  1.351 atkvæði í 1.-4. sæti
• Kjartan Ólafsson  1.333 atkvæði í 1.-5. sæti
• Björk Guðjónsdóttir  1.408 atkvæði í 1.-6. sæti
• Grímur Gíslason  1.408 atkvæði í 1.-6. sæti

Búist er við lokatölum í prófkjöri Sjálfstæðismanna á Suðurlandi um eða upp úr klukkan þrjú í nótt.

• 4 blogg um fréttina

Bloggað um fréttina

• Guðmundur Pétursson: Dæmdir þjófar í xD
• Björn Finnbogason: Til hamingju Ragnheiður ;-D
• Stefán Friðrik Stefánsson: Árni hækkar - Ragnheiður enn í forystu
• Eyrún Huld Haraldsdóttir: Já er það ekki?