Innlent
|
Kosningar
| mbl
| 15.4.2009
| 11:19
Stjórnarskráin ekki á dagskrá
Frá Alþingi. Golli / Kjartan Þorbjörnsson
Nokkur stjórnarfrumvörp eru nú til lokaumræðu og afgreiðslu á þingfundi á Alþingi, sem nú stendur yfir. Stjórnarskrárfruvmarpið er ekki á dagskrá þingfundarins en umræða um það stóð til kl. 2 í nótt.
Alls eru 19 þingmál á dagskrá, þ.á.m. fer nú fram þriðja og síðasta umræða um frumvarp um greiðsluaðlögun fasteignaveðkrafna á íbúðarhúsnæði, frumvarp um fjármálafyrirtæki og frumvarp fjármálaráðherra um hækkun vaxtabóta. Verða þessi mál væntanlega tekin til lokaafgreiðslu síðar í dag. Frumvarp iðnaðarráðherra um heimild til samninga um álver í Helguvík er 12 mál á dagskrá þingsins í dag.
© Árvakur hf.
Öll réttindi áskilin
