Hægri-grænir stofna flokk

Hægri-grænir eru nýr stjórnmálaflokkur sem stofnaður var 17. júní síðastliðinn og leggur áherslu á hægri sinnaða umhverfisstefnu og leggur auk þess mikla áherslu á að Ísland dragi sig úr samstarfi við Alþjóðagjaldeyrissjóðinn og ESB.Greint er frá þessu á Smugunni en formaður stjórnar flokksins er Guðmundur Franklín Jónsson, viðskiptafræðingur.

„Þú ert með græningjaflokk sem er til hægri. Það er fullt af fólki á hægri væng stjórnmálanna sem hafa mikinn áhuga á náttúruvernd. Það voru Sjálfstæðismenn sem stofnuðu Ferðafélag Íslands, Útivist og þar fram eftir götunum. Vilja njóta náttúrunnar og nýta hana. Algjörlega á móti ESB, AGS og Icesave,“ segir Guðmundur Franklín, í viðtali við Smuguna.

Hægri-grænir hyggja á framboð í fyllingu tímans en nú þegar er búið að stofna flokkinn löglega. Þau mál eru þó öll á frumstigi. „Og blessunin hún Jóhanna þarf nú að kalla fyrst til kosninga, en er ekki rétt að leyfa henni að minnsta kosti að njóta hveitibrauðsdagana fyrst," segir Guðmundur Franklín í sama viðtali.

Sjá nánar á Smugunni

• 8 blogg um fréttina

Bloggað um fréttina

• Jens Ólafsson: Ekki fyrir mig
• Björn Birgisson: Þungur róður á hægri mið
• Ómar Ragnarsson: Græn stefna er þverpólitísk.
• S i g u r ð u r S i g u r ð a r s o n: Hægri grænir ... þvílík della
• Óðinn Þórisson: Hægri grænn stjórnmálaflokkur - er hann einhver lausn ?
• Sigurður Haraldsson: Nýr stjórnmálaflokkur.
• Klukk: Ekki byrjar það frumlega.
• Jón Ingi Cæsarsson: Bakkabræður eiga sér marga fylgismenn.