„Við getum unað ágætlega við þessar niðurstöður,“ segir Sóley Tómasdóttir, oddviti Vinstri grænna, um niðurstöður borgarstjórnarkosninganna í Reykjavík. Hún verður eini fulltrúi flokksins í borgarstjórn á kjörtímabilinu.

Sam­fylk­ing­in er stærsti flokk­ur­inn í borg­ar­stjórn Reykja­vík­ur með fimm borg­ar­full­trúa og 31,9% at­kvæða. Björt framtíð er með tvo full­trúa og 15,6% at­kvæða, Fram­sókn með tvo full­trúa og 10,7% at­kvæða, Vinstri græn með 8,3% atkvæða og Pírat­ar með einn full­trúa og 5,9% at­kvæða. Hvorki Dög­un né Alþýðufylk­ing­in fengu kjör­inn full­trúa í borg­ar­stjórn.

Sóley segir að flokkurinn hafi verið í erfiðri stöðu á kjörtímabilinu sem er að líða með klofinn borgarstjórnarflokk í minnihluta með vinsælum meirihluta. Ekki sé auðvelt að vinna sig upp úr slíkri stöðu. „Við vorum hrikalega dugleg með frábært fólk í kosningabaráttunni og munum vinna þétt saman á þessu kjörtímabili,“ sagði Sóley í samtali við mbl.is.

Sóley segist ekki vilja taka afstöðu strax til þess hvort hún myndi vilja starfa með Samfylkingunni og Bjartri framtíð í meirihluta í borgarstjórn, ef til þess kæmi.

En gætir þú hugsað þér að starfa með Framsókn? „Nei, það kemur ekki til greina,“ segir Sóley. 

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 4 blogg um fréttina

Bloggað um fréttina

• Kristin stjórnmálasamtök: Er skárra að starfa með kristindóms-andstæðingum, Sóley Tómasdóttir?
• Kjartan Eggertsson: Sóley mun ekki starfa með Framsókn.
• Valdimar Samúelsson: Það að þegja þegar við vitum að skólastúlkum var rænt …
• Jóhann Elíasson: ÞÁ ER BARA EITT EFTIR FYRIR HANA.............