Sá stuðningur sem framboðslisti Sjálfstæðisflokksins fékk í Vestmannaeyjum er að öllum líkindum nýtt Íslandsmet. 73,2% þeirra bæjarbúa sem kusu greiddu honum atkvæði sitt.

Fyrra Íslandsmetið er talið hafa verið í höndum D-lista sjálfstæðismanna í Stykkishólmi en hann fékk tæp 70% fylgi undir forystu Sturlu Böðvarssonar í kosningunum 1990.

„Við erum ánægð með að ná þessu Íslandsmeti á sama tíma og við erum Íslandsmeistarar í handbolta,“ segir Elliði Vignisson, oddviti sjálfstæðismanna og bæjarstjóri. Hann tók fram að ekki hefði verið nein flugeldasýning um nóttina þegar úrslit voru kunn, eins og þegar lið ÍBV sneri heim með Íslandsbikarinn, en árangrinum hefði þó verið fagnað framundir morgun og menn síðan mætt í sjómannamessu í Landakirkju eftir að hafa lagt sig stutta stund.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir