Gengið var frá meirihlutasamstarfi Sjálfstæðisflokksins og Framsóknarflokksins í Borgarbyggð í hádeginu samkvæmt fréttavefnum Skessuhorn. Fulltrúar flokkanna undirrituðu samkomulag þess efnis í ráðhúsinu í Borgarnesi.
Ennfremur var tilkynnt að nýr sveitarstjóri hefði verið ráðinn en samkomulag hafi verið um að ráða Kolfinnu Jóhannesdóttir í starfið. Nánar verður greint frá málefnasamningi meirihlutans síðar í dag segir í fréttinni.