Prófkjör Pírata í Suðurkjördæmi fyrir komandi þingkosningar hófst á miðnætti í dag, en kosning fer fram í rafrænu kosningakerfi flokksins. Kosningin stendur í 10 daga, eða til miðnættis aðfaranótt 12. ágúst. 23 eru í framboði og bjóða tvær sig fram í fyrsta sæti. Flestir aðrir taka þó ekki fram sæti sem þeir sækjast eftir.

Í Suðurkjördæmi eru 10 þingmenn og því þarf listinn að innihalda 20 manns. Í kosningunni verður notast við Shylze-aðferð við uppröðum sem virk­ar með þeim hætti að kjós­end­ur for­gangsraða fram­bjóðend­um eins langt niður og þeir kjósa. Þannig get­ur einn kjós­andi raðað fimm fram­bjóðend­um á lista á meðan ann­ar raðar öll­um fram­bjóðend­un­um.

Sigríður Bylgja Sigurjónsdóttir, framkvæmdastjóri Pírata, segir í samtali við mbl.is að 431 hafi kosningarétt í prófkjörinu, en á síðustu tveimur mánuðum hafa um 100 bæst í hóp Pírata.

Til að kjósa þarf félagsmaður að hafa verið skráður í 30 daga í flokkinn. Sigríður Bylgja segir að hafi fólk ekki náð fullum 30 dögum geti það kosið innan kosningatímabilsins ef 30 daga markinu er náð á þeim tíma.

Þær Elsa Kristjánsdóttir og Elín Finnbogadóttir bjóða sig báðar fram í fyrsta sæti listans. Flestir aðrir frambjóðendur láta vera að tilgreina sæti sem þeir sækjast eftir, en meðal þeirra er Smári McCarthy sem leiddi lista Pírata í kjördæminu í síðustu kosningum.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Lukkuriddarahátíð berrassaða keisarans