Bandarískir veðurfræðingar spá því að allt að tíu fellibyljir muni myndast á Atlantshafinu á þessu ári, þ.á m. fimm sem gætu orðið mjög öflugir með vindhraða allt að 49 m/s. Fellibyljatíðin hefst 1. júní og stendur í sex mánuði. Hvetja veðurfræðingarnir þá sem búa á fellibyljasvæðum að búast við hinu versta.
Þá hljóðar veðurspáin upp á að 74% líkur séu á að Atlantshafsfellibylur gangi á land í Bandaríkjunum á þessu ári. Fjöldi og styrkleiki fellibyljanna ræðst að hluta til af veðurfyrirbærinu sem nefnt er La Nina, hvort það myndast og hversu virkt það verður.