Stúlka fann sprengistjörnu

Kathryn Gray, tíu ára gömul kanadísk stúlka, uppgötvaði áður óþekkta sprengistjörnu (supernova) þann 2. janúar síðastliðinn. Talið er að hún sé langyngst þeirra sem gert hafa slíka uppgötvun, að því er fréttavefur TIME greinir frá.

Þótt Kathryn sé langyngst þeirra sem fundið hafa sprengistjörnu þá er hún ekki sú fyrsta í fjölskyldu sinni sem gerir slíka uppgötvun. Paul Gray, faðir hennar, hefur fundið sex sprengistjörnur. David Lane, fjölskylduvinur og áhugastjörnufræðingur, hefur fundið þrjár.

Kathryn Gray býr í New Brunswick í Kanada. Hún var búin að grandskoða margar stjörnuþokur áður en hún fann nýju sprengistjörnuna. Stjarnan fékk auðkennið 2010lt og er í stjörnuþokunni UGC 3378, sem er í 240 milljóna ljósára fjarlægð frá jörðu.

Sprengistjarna (supernova) er stjarna sem er mun stærri en sólin í okkar sólkerfi. Sprengistjarna er að springa og gefur frá sér sterkt ljós.

• 1 blogg um fréttina

Bloggað um fréttina

• Stjörnufræðivefurinn (www.stjornufraedi.is): Aðeins meira um þessa skemmtilegu frétt