Fella bann á Monsanto úr gildi

Franskur stjórnskipunardómstóll hefur fellt úr gildi ákvörðun ríkisstjórnarinnar um að banna frönskum bændum að sá erfðabreyttu útsæði bandaríska landbúnaðarrisans Monsanto.

Það var franska landbúnaðarráðuneytið sem setti bannið á í febrúar árið 2008 af ótta við öryggi almennings. Strax í kjölfarið setti Evrópudómstóllinn fram efasemdir um lögmæti ákvörðunarinnar. Hefur hún nú verið felld úr gildi á þeim forsendum að ríkisstjórnin hafi ekki sannað með fullnægjandi hætti að útsæði Monsanto hafi „sérstaklega miklu hættu í för með sér fyrir heilsu manna eða umhverfið“.

• 1 blogg um fréttina

Bloggað um fréttina

• Magnús Sigurðsson: Andskotinn og amma hans.