Andlegri getu hrakar eftir fertugt

Ný og viðamikil bresk rannsókn þykir benda til að andlegri getu taki að hraka eftir fertugt. Rannsóknin náði til yfir 7.000 opinberra starfsmanna sem tóku þátt í tilraun árið 1997 og svo aftur árið 2007.

Fjallað er um málið á vef Daily Telegraph en niðurstöðurnar birtust í vefriti British Medical Journal.

Meðal niðurstaðna er að fólk á aldrinum frá 45 til 49 ára hafi sýnt fram á lakari niðurstöðu í síðari tilrauninni og er hrörnunin metin á 3,6%.

Hrörnunin var enn meiri hjá þátttakendum sem eru á sjötugsaldri eða sem nemur 8,5%.

Haft er eftir höfundum vísindagreinarinnar að til þessa hafi verið litlar vísbendingar um andlega hrörnun fyrir sextugsaldurinn.

• 5 blogg um fréttina

Bloggað um fréttina

• S i g u r ð u r S i g u r ð a r s o n: Unglingar rannsaka gamla fólkið
• Davíð Þ. Löve: Skýringin fundin!
• Kristinn Snævar Jónsson: Andlegri getu opinberra starfsmanna hrakar - í Bretlandi
• Magnús Sigurðsson: "nut case".
• Höskuldur Búi Jónsson: Af nógu er að taka