Börnin burt af Facebook

Indverskar auglýsingar sem vara fólk við að „líka“ við hvað sem er á Facbeook, eru að mati sumra tæknibloggara ósmekklegar.

Í auglýsingunum er fólk hvatt til að hugsa sig um áður en það smellir á „like“-hnappinn við ummæli, myndir o.fl. á samfélagssíðunni Facebook.

„Þú getur sært einhvern“ segir í einni auglýsingunni og í annarri: „Þú getur lent í hættu“.

Bloggarar segja vissulega allt í lagi að vara við einelti á Facebook eins og annars staðar en finnst auglýsingarnar ganga úr hófi fram.

Auglýsingarnar eru allt annars eðlis en önnur herferð sem fór milli notenda Facebook fyrr í mánuðinum en þá tóku margir upp á því að nota viðbót sem miðar að því að breyta barnamyndum vina sinna á Facebook í beikon, ketti eða eitthvað annað. Aðgerðin kallast „unbaby me“. Um er að ræða „viðbót við vafrann þinn sem eyðir barnamyndum úr fréttayfirliti þínu á Facebook fyrir fullt og allt“, líkt og segir í lýsingunni. Kannanir hafa sýnt að endalausar barnamyndir fara einna mest í taugarnar á fólki á Facebook.

Hér er hægt að sjá Facebook-auglýsingarnar og hér er hægt að skoða hvernig unbaby me virkar.

Hér sést hvernig unbaby me virkar.

• 1 blogg um fréttina

Bloggað um fréttina

• Teitur Haraldsson: Kannast einhver við að þola ekki barnamyndir?