Hvernig líkar fólki þetta?

AFP

Með frekar nákvæmum hætti er hægt að segja til um þætti eins og kynferði fólks og stjórnmálaskoðanir þess með því að safna saman upplýsingum um það sem fólki líkar og birtist samskiptavefnum Facebook. Þetta eru niðurstöður nýrrar rannsóknar.

Fram kemur á vef breska ríkisútvarpsins, að vísindamenn við háskólann í Cambridge á Englandi hafi búið til reiknilíkan sem geti spáð fyrir um trúar- og stjórnmálaskoðanir fólks auk þess sem það getur sagt til um það af hvaða kyni og kynþætti fólk sé.

Þeir segja að rannsóknin dragi upp óvenju nákvæma mynd af fólki. Samtök sem berjast fyrir persónuvernd segja að niðurstöðurnar eigi að hringja viðvörunarbjöllum í hugum notenda samskiptamiðla, að því er segir á vef breska útvarpsins.

Alls tóku 58.000 sjálfboðaliðar þátt í rannsókninni. Þeir veittu upplýsingar um það sem þeim líkaði á Facebook, lýðfræðilegar upplýsingar auk upplýsinga úr sálfræðirannsóknum, sem voru hannaðar til að búa til mynd af persónueinkennum fólks.

Það sem fólkinu líkaði var sett inn í reiknilíkanið og voru niðurstöðurnar bornar saman við upplýsingar varðandi persónueinkenni viðkomandi.

Í 88% tilvika tókst reiknilíkaninu að finna út kyn viðkomandi, í 95% tilvika gat það sagt til um hvort viðkomandi væri þeldökkur eða hvítur Bandaríkjamaður og í 85% tilvika gat líkanið sagt til um það hvort viðkomandi væri stuðningsmaður demókrata eða repúblikana.

Þá var einnig hægt að finna út hvort fólk væri kristið eða múslímar, upplýsingar um ástarsambönd og hvort fólk hafi misnotað vímuefni með þó nokkurri nákvæmni.

Á vef BBC segir, að reiknilíkanið hafi byggt niðurstöðu sína á útreikningi á miklu magni af því sem viðkomandi líkaði, t.d. varðandi tónlist og sjónvarpsþætti til að draga upp mynd af einstaklingum.

mbl.is

Bloggað um fréttina

Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
25% afsláttur af námskeiðum í okt.
Tilboð á öllum námskeiðum í október 2017. 25% afsláttur. Tilboðið gildir til 2. ...
ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
 
Félagsfundur varðar
Fundir - mannfagnaðir
Vörður - fulltrúaráð sjálfstæðisf...
Eldri borgarar
Staður og stund
Aflagrandi 40 Dagurinn byrjar á opinni v...
Eldri borgarar
Staður og stund
Aflagrandi 40 Það er opin vinnustofa hjá...
Opinn fundur
Fundir - mannfagnaðir
Sjálfstæðisflokkurinn í Hafnarfi...